11:16, 12 Fevral 2018 (Bazar ertəsi) 176

YAP səlahiyyətli nümayəndəsini təyin etdi

YAP səlahiyyətli nümayəndəsini təyin etdi
Yeni Azərbaycan Partiyası (YAP) növbədənkənar prezident seçkisi ilə bağlı səlahiyyətli nümayəndəsini təyin edib.

Bu barədə YAP-ın mətbuat xidməti məlumat yayıb. Baş nazirinin müavini, YAP sədrinin müavini – icra katibi Əli Əhmədov növbədənkənar prezident seçkisində bu partiyanın səlahiyyətli nümayəndəsi təyin edilib.

Məlumatda bildirilir ki, Ə.Əhmədov Seçki Məcəlləsinin tələblərinə uyğun olaraq, 2018-ci il fevralın 12-dən aprelin 11-nə qədər baş nazirin müavini vəzifəsindən ödənişsiz məzuniyyətə çıxıb.

Fevralın 5-də dövlət başçısı İlham Əliyev növbədənkənar prezident seçkisinin elan edilməsi haqqında sərəncam imzalayıb.

Fevralın 6-da da MSK növbədənkənar prezident seçkisinin aprelin 11-də keçirilməsi ilə bağlı qərar verib.

Fevralın 8-də isə YAP-ın VI qurultayı keçirilib. Qurultayda Yeni Azərbaycan Partiyasının sədri, dövlət başçısı İ.Əliyevin prezidentliyə namizədliyinin irəli sürülməsi barədə qərar qəbul edilib. Halbuki, Azərbaycanda prezident seçkisinin, qanunvericiliyə uyğun olaraq, bu ilin oktyabrında keçirilməsi nəzərdə tutulurdu.