11:29, 24 Sentyabr 2018 (Bazar ertəsi) 158

Xarici işlər nazirləri görüşəcəklər

Xarici işlər nazirləri görüşəcəklər
Azərbaycan və Ermənistan xarici işlər nazirləri Elmar Məmmədyarov və Zöhrab Mnatsakanyanın görüşü sentyabrın 26-da Nyu-Yorkda BMT Baş Assambleyasının 73-cü sessiyası çərçivəsində baş tutacaq.

Azərbaycan Xarici İşlər Nazirliyinin (XİN) mətbuat xidmətinin məlumatında belə deyilir. 

Danışıqlar ATƏT-in Minsk Qrupunun həmsədrlərinin (İqor Popov - Rusiya Federasiyası, Stefan Viskonti - Fransa və Endrü Şeffer - ABŞ) vasitəçiliyi ilə keçiriləcək.

Görüş zamanı Ermənistan-Azərbaycan münaqişəsinin həlli üzrə danışıqlar prosesi müzakirə olunacaq.

Qarabağ münaqişəsi 1988-ci ildə Ermənistanın Azərbaycana ərazi iddiaları ilə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi, ona bitişik 7 rayon və bəzi əlavə kəndlər işğal edilib.