10:48, 13 Fevral 2018 (Çərşənbə axşamı) 265

Vergi azadolmalarına limit tətbiq oluna bilər

Vergi azadolmalarına limit tətbiq oluna bilər
Azərbaycanda vergi azadolmalarına limit tətbiq olunması təklif olunur.

Bu təkliflə "Vergilər. Şəffaflıq. İnkişaf" adlı konfransda Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə çıxış edib.
 

Onun sözlərinə görə, hazırda Azərbaycanda vergi azad olmaları həddindən artıq çoxdur. "Əvvəlki dövr üçün bu mümkün idi. İndiki şəraitdə bu azad olmalara limit tətbiq etmək lazımdır", - deyə Z. Səmədzadə qeyd edib.

O bildirib ki, sadələşdirilmiş verginin ÜDM-də çəkisi 0,8%-dir: "Dövlət büdcəsi gəlirlərinin ÜDM-də payı 13%-dir. Bu rəqəm 30-35 faizə qaldırılsa, digər problemlərin də qarşısı alına bilər"
APA