Siyasət

Tural Sadıqlının qardaşı saxlanılıb

24 Fevral, 2018
786

Fevralın 23-də Almaniyada mühacir həyatı yaşayan Tural Sadıqlının qardaşı Elgiz Sadıqlı saxlanılıb. Onu 19-cu polis bölməsinin əməkdaşlarının iş yerindən apardığı deyilir.

Bu barədə Meydan TV-yə Elgiz Sadıqlının atası Əlövsət Sadıqlı məlumat verib.

O, oğlunun bu gün saat 16 radələrində aparıldığını bildirib:

"Yaşadığımız mənzil fevralın 18-dən polis mühasirəsindədir. Yalnız Elgiz Sadıqlı saxlanılandan sonra polis bizi rahat buraxıb. İlk günlər 8-10 maşın vardı, sonradan 2 maşın qaldı. Ancaq oğlum saxlanandan sonra evin ətrafında polis yoxdur. Onu 4-cü mikrorayonda, iş yerindən aparıblar. Elgiz haqda 2015-ci ildə çıxarılan 2 il şərti cəza dekabrda başa çatsa da, hüquq-mühafizə orqanları iyulda bitəcəyini iddia edirlər. Eyni zamanda, ölkədən çıxışına qadağa qoyulub”.

Ə.Sadıqlı saatlardır axtarsa da, oğlunu tapa bilmədiyini deyir:

"102-yə də zəng etmişəm. Heç bir məlumat ala bilmirəm. Onu 19-cu bölmənin əməkdaşları götürüb, amma boyunlarına almırlar. Hazırda bölmədəyəm”.

Elgiz Sadıqov 1978-ci ildə doğulub. O, jurnalistika fakültəsini bitirsə də, başqa sahədə çalışırdı.

Elgiz Sadıqlı 2015-ci ildə Sabunçu rayon Polis İdarəsinin əməkdaşları tərəfindən saxlanılıb. Haqqında Cinayət Məcəlləsinin 234.1-ci maddəsi ilə (satış məqsədi ilə narkotik vasitələrin saxlanması və dövriyyəsi) cinayət işi açılaraq barəsində 2 aylıq həbs qətimkan tədbiri seçilib. Ancaq Apelyasiya Məhkəməsi E.Sadıqlı haqda 2 il şərti cəza qərarı çıxartmaqla onu məhkəmə zalından azad edib.

Daha öncə də xaricdə yaşayan insanların ailələrinə təzyiqlər olmuşdu.

Sonuncu belə hal hazırda Niderlandda yaşayan videobloger Orduxan Teymurxanın ailəsində yaşanıb. Onun yeznəsi Məhəbbət Əliyev, eləcə də bacıları blogerdən imtina etsələr də, övladları Səbuhi Zeynalov və Tural Əliyev inzibati qaydada həbs edilib.

Fransada yaşayan Məhəmməd Mirzəlinin ailə üzvləri də təzyiqə məruz qaldıqlarını deyiblər. Onun da yeznəsi həbs edilib. Ondan əvvəl isə atası saxlanılmışdı.

Meydan TV-nin direktoru Emin Milli, yazar Günel Mövlud və "Azadlıq” qəzetinin baş redaktoru Qənimət Zahidin qohumları, jurnalist Sevinc Osmanqızının bacısı da vaxtilə təzyiqlərə məruz qalıb.

Prezident İlham Əliyev isə o fikirdədir ki, hansısa insana pis yanaşmaq olar, onunla rəqabət aparmaq olar, amma məsələyə ailə üzvlərini qarışdıranda, bu, həmin insanların hansı mənəvi dəyərlərə malik olduğunu göstərir. Bu barədə fikirlər rejissor Vaqif Mustafayevin sabiq prezident Heydər Əliyev haqda çəkdiyi sənədli filmdə yer alıb. 

İlham Əliyev 15 ildir Azərbaycanın prezidentidir. Beynəlxalq təşkilatlar onun hakimiyyəti dövründə tənqidi səslərin boğulduğunu, şəxslərin və yaxınlarının siyasi təqiblərə məruz qaldığını bildirir.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo