Siyasət

"Transparency International" illik "Korrupsiyanı Qavrama İndeksi"ni açıqlayıb

21 Fevral, 2018
824
"Transparency International" təşkilatı ənənəvi illik "Korrupsiyanı Qavrama İndeksi 2017" (Corruption Perceptions Index 2017) hesabatını açıqlayıb.

Yeni hesabat dünya ölkələrinin üçdə ikisinin hələ də korrupsiyanın ağır yükü altında olduğunu göstərir.

Son illərdə açıqlanmış hesabatların təhlili göstərir ki, ayrı-ayrı ölkələrdə korrupsiyanın yüksək olması bu ölkələrdə QHT və media üzərinə hücumlarla əlaqəlidir.

Sayca 25-ci olan illik hesabatda bəzi narahatedici məlumatlar da var. Korrupsiyaya qarşı mübarizə cəhdlərinə baxmayaraq əksər ölkələrdə bu cəhdlərin sürəti az, özü isə zəifdir.

Hesabatda deyilir ki, korrupsiyaya qarşı mübarizənin vaxt tələb etdiyi başadüşülən olsa da, son 6 ildə korrupsiyalı ölkələrin əksəriyyəti bu bəlanın aradan qaldırılmasında çox ləng tərpəniblər.

Bundan da narahatedici meyl budur ki, indeksin nəticələrinə görə korrupsiyanın ən pis göstəriciləri mətbuat və qeyri-hökumət təşkilatlarının çox az müdafiəyə malik olduğu ölkələrdə qeydə alınıb.

180 ölkədə korrupsiyanın qavrama səviyyəsini göstərən indeks cədvəlində ölkələrin sıralanması ekspertlərdən və biznes adamlarından alınmış rəylər əsasında tərtib edilib.

Bu indeksdə korrupsiyanın səviyyəsi sıfırdan 100-dək bal sistemi ilə qiymətləndirilib. Sıfır son dərəcə korrupsiyalı ölkəni, 100 isə ən korrupsiyasız ölkəni göstərir.

Builki indeksə görə, dünya ölkələrinin üçdə ikisinin göstəricisi orta hesabla 43 olmaqla 50-nin altındadır.

Son 6 ildə bir neçə ölkə korrupsiyanın qavranması (CPI) indeksini əhəmiyyətli dərəcədə yaxşılaşdırıb. Bunların sırasında Fil Sümüyü Sahili, Seneqal və Birləşmiş Krallıq da var. Suriya, Yəmən və Avstraliya da daxil bir sıra ölkələrdə isə bu göstərici əhəmiyyətli şəkildə pisləşib.

Builki hesabatda ən yüksək korrupsiyasızlıq göstəriciləri Yeni Zelandiya (89) və Danimarkaya (88) aiddir.

Əksinə ən pis göstəricilərə Suriya (14), Cənubi Sudan (12) və Somali (9) malikdirlər.

Regionlara gəldikdə isə ən yaxşı vəziyyət yenə də Qərbi Avropadadır. Burada orta indeks rəqəmi 66-dır. Ən pis korrupsiya göstəriciləri olan regionlar Subsaxara Afrikası (32) və Şərqi Avropa və Mərkəzi Asiyadır (34).

Azərbaycanın da daxil olduğu bu regionda ən yaxşı göstəriciyə ümumi korrupsiya qavraması indeksi cədvəlində 42-ci pilləni tutan Çex Respublikası malikdir. Onun ardınca 46-cı yerdə olan Gürcüstan gəlir.

Qazaxıstan və Moldova ilə birlikdə 122-ci pillədə qərarlaşan Azərbaycan ötən illərdə olduğu kimi builki hesabatda da korrupsiya üzrə Cənubi Qafqazın "çempionu” olaraq qalır. Ermənistan 107-ci yerdədir.

2016-cı ilin indeks cədvəli ilə müqayisədə Azərbaycan bir pillə, Ermənistan 6 pillə yüksələ bilib. Gürcüstan iki pillə geriləyib.

Qalan keçmiş sovet respublikalarının, Rusiyada (135) da daxil hamısı Azərbaycandan daha aşağı pillələri tutub: Ukrayna (130), Qırğızıstan (135) Rusiya (135), Özbəkistan 157, Tacikistan (161) və Türkmənistan (167).

"Azadliq.org"


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo