Dünya

Terrorçular Əfqanıstanda yardım agentliyinə hücum edib

24 Yanvar, 2018
747
Silahlı şəxslər Əfqanıstanın şərqində Calalabad şəhərində Save the Children beynəlxalq humanitar yardım agentliyinin qərargahına hücum edib. Hücum nəticəsində üç nəfər həyatını itirib, 20-dən çox insan yaralanıb.

"Amerikanın Səsi"nin xəbərinə görə, Nangarhar vilayətinin yerli hökumətinin sözçüsü Attullah Xoqyani bildirib ki, intiharçının maşına yerləşdirilmiş bombanı girişdə partlatmasından sonra silahlı şəxslərdən ibarət qrup qərargaha hücum edib. Təhlükəsizlik qüvvələri və hücumçular arasında uzun müddət atışma davam edib. Xoqyaninin bildirdiyinə görə, təhlükəsizlik qüvvələri hücumdan bir qədər sonra qərargahı mühasirəyə alıb.

Hücuma görə məsuliyyəti İslam Dövləti qrupu öz üzərinə götürüb.

ABŞ Dövlət Departamentinin sözçüsü Hather Nauert Twitter sosial şəbəkəsində açıqladığı bəyanatında Birləşmiş Ştatların hücumu qınadığını və hadisə qurbanları və onların ailələrinə başsağlığı ifadə etdiyini bildirib.

Calalabad İŞİD-in Pakistan və Əfqanıstanda qolu olan İslam Dövlətinin Xorasan vilayəti qrupunun istinadgahı olan Nangarhar vilayətinin paytaxtıdır. Əfqanıstanda Taliban qrupu da ərazidə fəallıq göstərir. Lakin qrup çərşənbə günü hücumda hər hansı rolu olduğunu inkar edib.

Əfqanıstan ordusu və NATO qüvvələri Nangarhar vilayətinin müxtəlif yerlərində İslam Dövlətinin Xorasan vilayəti qrupuna qarşı döyüşlər aparır. Keçən il ABŞ hərbi qüvvələri burada dünyanın hər yerində olduğundan daha artıq tələfat verib. ABŞ hərbi qüvvələrində 21 ölüm halının üçdə biri Nangarhar vilayətində baş verib.

Save the Children qrupuna qarşı hücum Əfqanıstanda fəaliyyət göstərən beynəlxalq yardım qruplarının qarşılaşdığı təhlükələrin səviyyəsinin artdığını göstərir. Beynəlxalq Qırmızı Xaç təşkilatı keçən ilin oktyabr ayında Əfqanıstanda işçilərinin sayını kəskin azaldacağını elan edib. Keçən il hücum zamanı təşkilatın yeddi işçisi həyatını itirmişdi.

Bu günkü hücumdan iki gün əvvəl silahlı şəxslər Kabildə lüks mehmanxanaya hücum etmişdi. Hadisə çoxu xarici vətəndaş olmaqla 22 nəfərin ölümü ilə nəticələnib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Makron Avropadakı müttəfiqləri qorxaq olmamağa çağırıb

6 Mart 2024

Açıq mənbələrdən götürülüb

Fransa Prezidenti Emmanuel Makron Avropa dövlət başçılarına Ukrayna məsələsində qorxaqlıq etməmək barədə çağırış edib.  Toplum TV xəbər verir ki, Makron bu barədə Çexiyaya səfəri zamanı Praqada həmvətənləri qarşısında çıxış edərkən bildirib.  "Avropada qorxaqlıq etməməyin vacib olduğu bir məqama yaxınlaşırıq. Bizi gözləyən dramlardan danışmaq həmişə çətindir. Amma düşünürəm ki, Fransa da, Çexiya da baş verənləri anlayır. Müharibə torpaqlarımıza gəlib çatıb, dayandırılması qeyri-mümkün olan qüvvələr bizə qarşı hücum təhlükəsini genişləndirməkdə davam edir", - deyə o bildirib.  https://toplum.tv/dunya/pputin-qerbi-hedeleyib-facievi-neticeleri-olacaqp Xatırladaq ki, Fransa Prezidenti fevralın 26-da Parisdə Ukraynaya dəstək üçün keçirdiyi görüşdən sonra verdiyi açıqlamada Qərb qoşunlarının Ukraynaya göndərilməsini istisna etmədiyini bildirmişdi: "Bu gün quru...
Dünya

Fransa abort hüququnu konstitusiyaya salan ilk ölkə olub

5 Mart 2024

Açıq mənbələrdən götürülüb

Fransa qadınların abort hüququnu öz Konstitusiyasına salan ilk ölkə olub.  Toplum TV xəbər verir ki, qərar, lideri olduğu "Renessans" partiyası ilə birlikdə düzəlişlərin müəllifi olan Prezident Emmanuel Makron tərəfindən hərarətlə qarşılanıb. Fransa Parlamentinin sədri Yael Braun-Pive bildirib ki, 780 deputat təşəbbüsün lehinə, 72-si isə əleyhinə səs verib. https://toplum.tv/dunya/pquotpolitikoquot-fransa-nato-ya-qosunlarin-ukraynaya-goumlnderilmesini-teklif-edibp "Reuters" xəbərinə görə, parlamentin iclasında spikerin açıqlaması alqışlarla qarşılanıb. Dəyişiklik Konstitusiyanın 34-cü maddəsinə əlavə ediləcək. 

Seçilmiş Videolar

Toplum TV loqo