Sosial

Təhlükəli dondurmalar satışdan niyə yığışdırılmır? - FOTO

21 İyul, 2017
1591
Müxtəlif ticarət obyektlərində satışda olan dondurmaların tərkibində insanların sağlamlığı üçün təhlükəli olan mikroorqanizmlərin miqdardan artıq olduğu müəyyən edilib. 

Bu, İqtisadiyyat Nazirliyinin apardığı araşdırmalar nəticəsində məlum olub.

Nazirliyin iyulun 18-də yaydığı xəbərdə deyilir ki, "İçəri şəhər" qəhvəli, "Pristij" çiyələkli, "Pristij" qozlu, "Əsl" plombir; "A.Y.S-60" MMC-nin istehsal etdiyi "Südlü" klassik və "A-klass" dondurmalarında bağırsaq çöpləri qrupundan olan bakteriyaların (koliformlar) miqdarının nəzərdə tutulmuş miqdardan artıq olduğu müəyyən edilib.

2 gün keçməsinə baxmayaraq, paytaxtın bəzi böyük mağazalarında siyahıda adı keçən dondurmaları görmək mümkündür, hələ də bu dondurmalar  insanlara satılır.

Azad İstehlakçılar Birliyinin sədri Eyyub Hüseynov isə təəssüflənir ki, İqtisadiyyat Nazirliyinin informasiyasında bu hadisənin hansı tarixdə buraxılmış məhsula aid olduğu barədə dəqiq bir informasiya yoxdur: 

"Ola bilər ki, istehsalçı müəssisənin avadanlığı bakteriyalarla kirlənmiş olsun, o zaman həmin partiya istehsal olunmuş bütün məhsullar təhlükəli olur. İqtisadiyyat Nazirliyi məlumatı yarımçıq şəkildə yayır, ona görə də istehlakçılar çox gərginlik keçirirlər. Bu hal ilə dəfələrlə qarşılaşmışıq, ölkədə qidanın təhlükəsizliyinə dair qanun yoxdur, qanun olmayan yerdə isə cinayət baş verir. Çox üzücü haldır ki, Azərbaycan bazarında belə anormal hallar daha öncə də baş verib. İki il öncə həmin o müəssisələrdən birinin rəhbərini eyni səbəbdən dolayı həbs etmişdilər və daha sonra həmin dondurmaların nəinki satışdan yığışdırıldığını, hətta reklamını da efirdə görürdük”.

İqtisadiyyat Nazirliyinin ictimaiyyətlə əlaqələr şöbəsinin müdiri Abbas Əliyev Toplum.Tv bildirib ki, bununla bağlı tədbir görülür və praktik iş aparılır. 

Lalə İsgəndərli
Toplum.Tv





Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo