16:29, 16 Mart 2018 (Cümə) 100

Suda təhlükə var ?

Suda təhlükə var ?
Qablaşdırılmış suyun 90%-nin tərkibində kiçik plastik hissəciklər var. Novator.az xəbər verir ki, "Orb Media” jurnalist qurumunun təşkil etdiyi beynəlxalq tədqiqatın nəticələri bunu göstərib.

Tədqiqatçılar 9 ölkənin 11 müxtəlif brendindən 259 plastik qabı analiz edərək 10 mindən çox müxtəlif ölçülü plastik hissəciklər aşkarlayıblar. 259 qabın yalnız 17-də heç bir mikroplastik izi tapılmayıb.

Ən çox aşkarlanan plastik hissəcik butulkanın qapağının hazırlanmasında istifadə olunan polipropilen olub. Tədqiqat müəllifləri qeyd edir ki, qablaşdırılmış suda zərərli plastik hissəciklərin ümumi konsentrasiyası su xəttindəkindən iki dəfə yüksəkdir. Dünya üzrə krandan götürülən su nümunələrinin 83%-də də plastik liflər aşkarlanıb.

Tədqiqatçılar aldıqları nəticələri faciəvi hesab etməsələr də, Dünya Səhiyyə Təşkilatı həyəcan təbili çalır. Təşkilat içməli sudakı plastik hissəciklərin insan sağlamlığı üçün potensial risklərini nəzərdən keçirməyi planlaşdırır.