Sosial

Sədərək: qu desən, qulaq tutular - REPORTAJ

25 Fevral, 2017
1686
Bağlanan dükanlar, iflas edən satıcılar, cibində "siçan oynayan” alıcılar...

Bir  zamanların ən çox üz tutulan alış-veriş məkanlarından idi Sədərək Ticarət Mərkəzi. Burada vaxt var idi ki, iynə atsan, yerə düşməzdi. Kim ucuz nəsə almaq istəsə, ora yollanardı. Artıq bir müddətdir ki, orada da "qu desən qulaq tutular". 

İnsan selini yarıb keçmək müşkülə çevrilən bu bazar da dolların bahalaşması ilə iflasa uğradı. İndi burada alıcının da sayı azalıb, satıcının da. Mağazaların çoxu "Bağlanır!” elanı ilə "bəzənib”. 

Satıcılar deyir ki, bazar günləri heç olmasa bir az alıcı gözə dəyir, həftə içi burada "yalnızlıq sinfonyası" çalınır.

Satıcı Ənvər dayı Toplum.Tv-yə alıcı azlığından şikayətlənir: "Bilirsiniz, şəhərdəki alış-veriş məkanları çoxaldıqca, bura gələnlərin sayı onsuz da azalırdı. Hamı endrimləri gözləyir, gedib istədiyini alırdı. İndi böyük alış-veriş mərkəzlərində vəziyyət necədir bilmirəm, amma bizdə çox pisdir. Alıcılarımız əsasən alverçilər idi. İndi böhran olduğu üçün onların da alveri getmir”. 

"Valideyn hansı pulla cehiz versin?”

Digər satıcı Gülarə xanım da bazarda durumun ağır olduğunu deyir: "Alıcılarımızın əksəriyyəti toy-düyün edənlər idi. İndi toylar da azalıb. Pul var ki, camaat toy eləsin? Valideyn hansı pulla cehiz versin? Ona görə də belə acınacaqlı vəziyyət yaranıb. Kirayə pulları əvvəlki kimi qalmaqdadır, amma alver yoxdur. Ona görə də bizlərə işləmək çox çətindir”. 


"Elə şəhərdəki qiymətlərdir...”

Sədərəyin yolunu az qala unudan Rəhim Əliyev qiymətlərdə nəzərəçarpan dəyişikliyin olmadığını bildirir: "Demək olar ki, 7-8 ildir Sədərəyə gəlmirdim. Şəhərdə qiymətlər bahalaşınca, dedim, bir bura üz tutum, görüm nə var, nə yox?... Düzü, elə bir fərq görmədim. Elə şəhərdəki qiymətlərdir. Düşünürəm ki, burdan almaqdansa, şəhərdə keyfiyyətinə güvəndiyim mağazalardan alaram”. 

Bazarın digər "qonağı” Səriyyə Nuriyeva deyir ki, bu bazarda qiymətlər stabil deyil: "Şəhərdəki mağazalarda vahid qiymətdir. Bir mağazanın hər filialında eyni qiymət çıxacaq qarşına. Amma burada elə deyil. Məsələn, köynəyə baxırsan, deyir ki, aşağı yeri 40 manatdır. Mən haradan bilim bunun qiyməti əvvəl neçə olub? Və ya mənə 40 manata satıb başqasına 30 manata satmayacağına necə əmin olum? Hələ ən pisi də odur ki, 40 manata alıb, bir neçə mağaza sonra həmin məhsula daha ucuz rast gəlməkdir. Elə bu bazarın ən pis cəhətlərindən biri də budur”.

Beləcə Sədərək Ticarət Mərkəzindən ayrılırıq. Bir vaxtlar ölkənin ən böyük ticarət mərkəzi kimi tanınan bu məkan indi belə bir mənzərə ilə yadda qalır: bağlanan dükanlar, iflas edən satıcılar, "cibində siçan oynayan" alıcılar... 

Bu gün reallıq budur. Ən pisi də odur ki, bu qeyri-müəyyənliyin nə vaxt bitəcəyi bilinmir. Sanki hər kəs "tikan üstündə" oturub və hamının bircə istəyi var: tezliklə vəziyyət əvvəlki kimi olsun...

Türkan Bəşir
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo