İqtisadiyyat

Sahibkarlara “Yeni il” sürprizi və ya “gizli” iqtisadiyyatın çiçəklənməsinə açılan yol

28 Noyabr, 2018
1449
Azərbaycanda xidməti müqavilə ilə işləyənləri gələn ildən yeni dəyişikliklər gözləyir. 

2019-cu ildən etibarən xidməti müqavilə ilə işləyənlər böyük vergilərlə yanaşı, Dövlət Sosial Müdafiə Fonduna(DSMF) böyük ödənişlər də etməli olacaqlar. 

Belə ki, «Sosial sığorta haqqında» qanuna nəzərdə tutulan dəyişikliyə əsasən, gələn ildən etibarən mülki hüquqi xarakterli müqavilələrlə (yəni xidməti müqavilə ilə) işləyənlər üzrə ödəmə mənbəyindən tutulmaqla gəlirlərinin 25%-i qədər DSMF-ə ödəniş etməli olacaqlar.

İndiyədək bu ödənişlərin məbləği 26 manat  təşkil edirdi.

 Yeni qərar kimlər üçün və hansı şəkildə tətbiq ediləcək? Bu qərar sahibkarlara necə təsirini göstərəcək?

Hüquqşünas Fərhad Mehdiyev Toplum.tv-yə dəyişiklikləri belə izah edib:

"Sahibkarlıq fəaliyyəti üzrə - minimum aylıq əməkhaqqının tikinti və ticarət sahələrində 50 faizi, digər sahələrdə 25 faizi miqdarında; 
- mülki hüquqi xarakterli müqavilələrlə işləyənlər üzrə ödəmə mənbəyindən tutulmaqla gəlirlərin 25 faizi miqdarında; 
- xüsusi notariuslar üzrə -minimum aylıq əməkhaqqının on mislinin 25 faizi miqdarında; 
- müəlliflik qonorarı ödəyən hüquqi və fiziki şəxslər üçün ödəmə mənbəyindən tutulmaqla – hesablanmış qonorar məbləğinin 15 faizi miqdarında; 
- Vəkillər Kollegiyasının üzvləri, sərbəst auditorlar, sərbəst mühasiblər gəlirlərinin 20 faizi miqdarında məcburi dövlət sosial müdafiə fonduna ödəyəcək".
Hüquqşünas deyir ki, belə bir siyasət, xırda sahibkarlara kifayət qədər ağır yükdür. 

İqtisadçı Qubad İbadoğlu isə bildirib ki, bu dəyişikliklər əvvəlki qərarla müqayisədə kifayət qədər böyük artımdır". 

Onun sözlərinə görə, sosial sığorta ödənişlərinin yüksək olması, yəni birdən-birə 26 manatdan 150 manata  qədər artırılması onu göstərir ki, nəticədə şirkətlər və sərbəst işləyənlər arasında xidməti müqavilə qeydiyyatdan keçirilməyəcək:

"Bu,  xidmət işinin gizli  görülməsinə gətirib çıxaracaq. Əslində bu qərar, gizli iş yerlərinin kölgədən çıxarılmasına deyil, kölgəyə salınmasına şərait yaradacaq. Əgər DSMF  normal şəkildə sistemli olardısa, bu vəsaiti ödəyib sonradan həmin vəsait hesabına pensiya almaq imkanları yaradılardı. O zaman da  bu dəyişikliyi etməyə dəyərdi. Amma çox təəssüf ki, ölkədə normal sosial müdafiə sistemi yoxdur və məlum oldu ki, ümumiyyətlə, ödəniş vəsaitləri yoxa çıxır. Yəni qeydiyyata alınmır, uçotda yoxdur, şəxsi hesabda bunu tapmaq mümkün deyil. Belə olan halda bu dəyişikliklər ona gətirib çıxaracaq ki, xidməti müqavilələrin çoxu rəsmiləşdirilməyəcək. Çünki həddindən artıq böyük məbləğdə artımlar yaranır. Düşünürəm ki, bu qədər artımın olması həm sosial baxımdan ədalətsizlikdir, həm də gizli iqtisadiyyatın çiçəklənməsinə gətirib çıxaracaq".

Samirə Əliyeva
Toplum TV

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo