11:23, 17 Fevral 2018 (Şənbə) 241

Saakaşvilinin vəkilləri Avropa Məhkəməsinə müraciət edib

Saakaşvilinin vəkilləri Avropa Məhkəməsinə müraciət edib
Gürcüstanın keçmiş prezidenti, Odessa vilayətinin sabiq qubernatoru Mixeil Saakaşvilinin vəkilləri Avropa İnsan Haqları Məhkəməsinə müraciət ediblər.

Bu barədə "Ria Novosti” məlumat yayıb. Məlumatda bildirilir ki, vəkillər Saakaşvilinin Ukraynada ədalətli mühakimə olunmaması ilə bağlı şikayət ediblər.

M.Saakaşvilinin vəkili Ruslan Çernolutskinin sözlərinə görə, Ukrayna hökuməti siyasətçinin öz hüquqlarından istifadə etməsinə imkan verməyib:

"Saakaşvilinin sığınacaq əldə etməyə çalışdığı və Ukrayna vətəndaşlığından çıxarılması ilə bağlı şikayət etdiyi məqamda Ukrayna hökuməti prosedur məsələlərinin başa çatmasını gözləmədən onu ölkədən xaric edib”.

Vəkil deyib ki, bütün qanun pozuntuları müraciətdə öz əksinin tapıb.

Ukrayna hökuməti fevralın 12-də M.Saakaşvilini Polşaya deportasiya edib. Buna səbəb kimi onun payızda Ukrayanaya Polşadan qeyri-qanuni yolla gəldiyi göstərilib. Saakaşvili Polşadan Hollandiyaya gedib.