Gürcüstan nümayəndələri Avropa İnsan Haqları Məhkəməsində (AİHM) Rusiyanı 2008-ci il müharibəsi zamanı etnik təmizləmə aparmaqda ittiham ediblər.
Gürcüstanı təmsil edən vəkil Ben Emerson mayın 23-də AİHM-ə deyib ki, Rusiya qüvvələri 10 il bundan əvvəl baş vermiş münaqişədə kəndləri bombalamış, evləri yandırmış və separatçıların Gürcüstan torpağını tutmasını təmin etmişlər.
Rusiyanın məhkəmədəki nümayəndəsi Mikhail Galperin deyib ki, Cənubi Osetitya Gürcüstana 1922-ci ildə İosif Stalinin göstərişi ilə qatılıb və "o zaman heç kəs osetinlərdən gürcü olmaq istəyib-istəmədiklərini soruşmayıb”.
Galperin deyib ki, "onilliklər sonrası Gürcüstan Stalinin bu qərarnı Cənubi Osetiyaya müdaxilə etməklə və vətəndaşları öldürməklə icra etməyə çalışıb”.
2008-ci ildə baş vermiş müharibədən sonra Tbilisi və Moskva arasında diplomatik münasibətlər qırılıb.
O vaxt Tbilisi ondan müstəqillyini elan etmiş ərazidə suverenliyini bərpa etmək məqsədilə Cənubi Osetiyada hərbi əməliyyat keçirmiş, lakin Rusiya qüvvələri dərhal münaqişəyə müdaxilə edərək Gürcüstan ərzisinə soxulmuşdular.
Moskva o vaxt Cənubi Osetiya sakinlərini müdafiə etdiyini bəhanə gətirirdi.
Gürcüstan Rusiyanın müdaxiləsi ilə bağlı AİHM-ə şikayət ərizəsini elə həmin ay təqdim etmişdi.
Gürcüstan iddia edir ki, Rusiya qüvvələri separatçılarla birlikdə Gürcüstan vətəndaşlarına və onların mülkiyyətinə qarşı hücumlar edib.
Rusiya bu ittihamları rədd edir.
Strasburqda mənzillənmiş məhkəmə bildirib ki, bu işə baxılması zamanı 33 şahid dindirilib. Onlardan 16-nı Gürcüstan, 12-ni Rusiya, habelə 6-nı məhkəmənin özü dəvət etmişdi.
Məhkəmə bildirib ki, bu iş üzrə son qərar yaxın vaxtlarda açıqlanacaq.
Rusiya AİHM-in dinləmələrində zaman-zaman iştirak etsə də, onun qərarlarını çox nadir hallarda qəbul edir.
2015-ci ildə Vladimir Putin Konstitusiya Məhkəməsinə, Rusiya konstitusiyasına zidd olduğu hallarda beynəlxalq məhkəmə qərarlarını tanımamaq səlahiyyəti verən qanunu imzalayıb.
Moskva Gürcüstanla müharibədən az sonra Abxaziya və Cənubi Osetiyanın müstəqilliklərini tanıyıb.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.