Dünya

Pakistanda seçki günü azı 31 nəfər öldürülüb

25 İyul, 2018
1155
Pakistanın Kvetta şəhərində seçki məntəqəsində partlayışda azı 31 nəfər öldürülüb, 35 nəfər yaralanıb. Təhlükəsizlik və səhiyyə rəsmiləri yeddi nəfərin ağır vəziyyətdə olduğunu bildirir.

Hadisə yerində olan yerli jurnalistlərdən biri ölü və yaralıların çoxunun seçicilər olduğunu xəbər verib.

Hücuma görə məsuliyyəti İslam Dövləti ekstremist qrupu götürüb. Qruplaşma hücumu intiharçının törətdiyini bildirsə də, iddiasını əsaslandıracaq dəlil açıqlamayıb.

Pakistan mediasının məlumatına görə, ölkənin cənub-qərbindəki Kvetta şəhərində polis konvoyu hədəfə alınaraq partlayış törədilib, azı 18 nəfər həlak olub. Partlayışın səsvermə məntəqəsi yaxınlığında baş verdiyi bildirilir.

Bundan öncə isə Svabi bölgəsində səsvermə məntəqəsində atışma olub, PTI partiyasının bir fəalı öldürülüb, dörd nəfər yaralanıb.

İyulun 25-də Pakistanda seçki məntəqələri açılıb. Parlament seçkiləri səsvermə öncəsi saxtakarlıq iddiaları və yaraqlı hücumlarının yer aldığı bir mühitdə baş tutur.

Əsas rəqiblər müxalifət lideri Imran Khan-ın Tehreek-e-Insaf (PTI) partiyası və həbsdə olan keçmiş baş nazir Nawaz Sharif-in Pakistan Müsəlman Liqası- Nawaz (PML-N) partiyasıdır.

Rəy sorğularında Khan-ın partiyası 30, hakimiyyətdən getməkdə olan PML-N isə 27 faiz səs toplayıb.

Digər bir sorğuda Sharif-in partiyası 26, PTI 25 faiz səs yığıb.

Üçüncü yerdə Pakistanın Xalq Partiyası (PPP) gəlir. Onun lideri keçmiş baş nazir, 2007-ci ildə öldürülmüş Benazir Bhutto-nun 29 yaşlı oğlu Bilawal Bhutto Zardari-dir.

Bir çox ekspertlərin gözləntisinə görə, heç bir partiya çoxluğu qazana bilməsə, PPP koalisiya başçısı ola bilər.

342 yerlik Milli Assambleya parlamentin aşağı palatasıdır. Bundan başqa Xiber Paxtunxva, Puncab, Sind və Baluçistan vilayət məclislərinə də səsvermə keçirilir.

Ölkədə 106 seçici var.

İlkin nəticələrin bu gün axşam açıqlanacağı gözlənir.

Pakistanın 70 illik tarixində artıq ikinci dəfədir ki, mülki hökumət səlahiyyət müddəti bitənədək hakimiyyətdə qalıb, mülki administrasiya səsvermə yoluyla dəyişir.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Makron Avropadakı müttəfiqləri qorxaq olmamağa çağırıb

6 Mart 2024

Açıq mənbələrdən götürülüb

Fransa Prezidenti Emmanuel Makron Avropa dövlət başçılarına Ukrayna məsələsində qorxaqlıq etməmək barədə çağırış edib.  Toplum TV xəbər verir ki, Makron bu barədə Çexiyaya səfəri zamanı Praqada həmvətənləri qarşısında çıxış edərkən bildirib.  "Avropada qorxaqlıq etməməyin vacib olduğu bir məqama yaxınlaşırıq. Bizi gözləyən dramlardan danışmaq həmişə çətindir. Amma düşünürəm ki, Fransa da, Çexiya da baş verənləri anlayır. Müharibə torpaqlarımıza gəlib çatıb, dayandırılması qeyri-mümkün olan qüvvələr bizə qarşı hücum təhlükəsini genişləndirməkdə davam edir", - deyə o bildirib.  https://toplum.tv/dunya/pputin-qerbi-hedeleyib-facievi-neticeleri-olacaqp Xatırladaq ki, Fransa Prezidenti fevralın 26-da Parisdə Ukraynaya dəstək üçün keçirdiyi görüşdən sonra verdiyi açıqlamada Qərb qoşunlarının Ukraynaya göndərilməsini istisna etmədiyini bildirmişdi: "Bu gün quru...
Dünya

Fransa abort hüququnu konstitusiyaya salan ilk ölkə olub

5 Mart 2024

Açıq mənbələrdən götürülüb

Fransa qadınların abort hüququnu öz Konstitusiyasına salan ilk ölkə olub.  Toplum TV xəbər verir ki, qərar, lideri olduğu "Renessans" partiyası ilə birlikdə düzəlişlərin müəllifi olan Prezident Emmanuel Makron tərəfindən hərarətlə qarşılanıb. Fransa Parlamentinin sədri Yael Braun-Pive bildirib ki, 780 deputat təşəbbüsün lehinə, 72-si isə əleyhinə səs verib. https://toplum.tv/dunya/pquotpolitikoquot-fransa-nato-ya-qosunlarin-ukraynaya-goumlnderilmesini-teklif-edibp "Reuters" xəbərinə görə, parlamentin iclasında spikerin açıqlaması alqışlarla qarşılanıb. Dəyişiklik Konstitusiyanın 34-cü maddəsinə əlavə ediləcək. 

Seçilmiş Videolar

Toplum TV loqo