12:00, 15 Fevral 2018 (Cümə axşamı) 1741

Növbədənkənar prezident seçkisi - MARAQLI AZƏRBAYCAN

Fevralın 5-də dövlət başçısı İlham Əliyev növbədənkənar prezident seçkisinin elan edilməsi haqqında sərəncam imzalayıb.

Fevralın 6-da da Mərkəzi Seçki Komissiyası növbədənkənar prezident seçkisinin aprelin 11-də keçirilməsi ilə bağlı qərar verib.

Fevralın 8-də isə YAP-ın VI qurultayı keçirilib. Qurultayda Yeni Azərbaycan Partiyasının sədri, dövlət başçısı İ.Əliyevin prezidentliyə namizədliyinin irəli sürülməsi barədə qərar qəbul edilib. Halbuki, Azərbaycanda prezident seçkisinin, qanunvericiliyə uyğun olaraq, bu ilin oktyabrında keçirilməsi nəzərdə tutulurdu. 

Azərbaycanda bir çox müxalif partiya və təşkilatlar növbədənkənar prezident seçkisini boykot etdiklərini açıqlayıblar.

Onlar hesab edirlər ki, qanunvericilikdə hansı hallarda növbədənkənar prezident seçkisinin həyata keçiriləcəyi ilə bağlı konkret göstərişlər var və həmin halların heç biri mövcud deyil. 

"Maraqlı Azərbaycan" videorubrikasının ilk buraxılışı növbədənkənar prezident seçkisinə həsr olunur.

Əli Zeynal
Toplum.Tv