"Avropa Birliyi ilə Ermənistran arasında yeni razılaşma ilə bağlı danışıqlar artıq yekunlaşmaq üzrədir".
Bunu Ermənistanın xarici işlər naziri Edvard Nalbandian Deutsçe Velle-ə müsahibəsində deyib.
Ermənistanın bir neçə il əvvəl Avropa Birliyi ilə asosasiya sazişi imzalamaqdan imtina etməsi və "Avrasiya İqtisadi Birliyi”nə qoşulmasının Moskvanın təzyiqi ilə olub-olmamasına gəldikdə isə nazir deyib ki, Yerevan həmişə paralel olaraq sonradan "Avrasiya İqtisadi Birliyi”nə çevirilən "Gömrük ittifaqı” na qoşulmaq istədiyini bildirirdi.
"Sadəcə ilkin olaraq bu mümkün deyildi. Çünki Ermənistanın "Gömrük ittifaqı” ölkələri ilə ümumi sərhədi yox idi. Amma ekspertlər həll variantı tapdılar, Ermənistan bu ittifaqa qoşuldu və bu üzvlük Ermənistan üçün faydalı oldu”, deyə Nalbandian bildirib.
Deutsche Welle-in müxbiri Janna Nemtsova Nalbandianadan, Moskvanın bu gün Avropa Birliyi ilə yeni razılaşma imzalanması prosesinə qarışıb-qarışmaması, Ermənistana təzyiq göstərib-göstərməməsini də soruşub.
Nalbandian isə deyib ki, sualın belə qoyulması düzgün deyil, Ermənistan müstəqil şəkildə qərar qəbul edir.
Dağlıq Qarabağ problemi ilə bağlı suala gəldikdə isə o qeyd edib ki, bu münaqişə ərazi mübahisəsi yox, insan haqlarının reallaşmasından aslı olan məsələdir, münaqişə aparan tərəflər ilk növbədə Dağlıq Qarabağla Azərbaycan və yalnız bundan sonra Ermənistandır.
Nalbandyanın sözlərinə görə, münaqişə Dağlıq Qarabağ əhalisinin öz müqəddaratını həll etmə haqqı əsasında nizamlanmalıdır.
Rusiyanın öz bazarlarını Ermənistanın üzünə bağlamasının mümkünlüyü ilə bağlı suala gəldikdə isə Nalbandian deyib ki, bu fantastika janrıdır.
Nazir əlavə edib ki, Ermənistanın müxtəlif ölkələrlə ticarət əlaqələri var və bunu şaxələndirməyə çalışır.
mənbə: azadliq.org
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.