20:00, 16 Mart 2018 (Cümə) 64

Müxalifət yenidən birgə mitinq keçirəcək

Müxalifət yenidən birgə mitinq keçirəcək
Demokratik Qüvvələrin Milli Şurası və Müsavat Partiyası növbəti birgə mitinq keçirəcək.

"Azadlıq Radiosu"-nun verdiyi xəbərə görə, bu haqda Müsavat Partiyasının mətbuat xidmətinin məlumatında bildirilir.

Birgə mitinqin martın 31-də keçirilməsi qərara alınıb. 

Aksiyanın təşkilatçıları bildiriblər ki, mitinq günü daşnak-bolşevik birləşmələrinin Bakı və Azərbaycanın bir sıra bölgələrində törətdikləri qırğının 100 illiyinə təsadüf edir. Ona görə, bu mitinqdə mart qırğınlarını pisləyən və Azərbaycana qarşı törədilən cinayətlərdə əli olanların cəzalandırılmasının tələb ediləcəyi şüarların səsləndiriləcəyi də gözlənir.

Təşkilatçılar aksiya ilə bağlı bu gün, martın 16-da Bakı Şəhər İcra Hakimiyyətinə müraciət təqdim ediblər.