Sosial

''Müqavilə bağladığım vəkil kollegiyadan uzaqlaşdırılıb'' - Jurnalist

6 İyun, 2018
826
İyunun 20-də Bakı 1 saylı İnzibati İqtisad Məhkəməsi jurnalist Aynur Elgünəşin şikayətinə baxacaq. 

Meydan Tv-nin yazdığına görə, cavabdeh tərəf Azərbaycan Vəkillər Kollegiyasıdır.

Jurnalistin hüquqi yardım üçün müqavilə bağladığı vəkil Yalçın İmanov Vəkillər Kollegiyasından uzaqlaşdırılıb. Deyir, bunun nəticəsində onun müdafiə hüququ pozulub:

"Yalçın İmanovla müqaviləm var. Baş Prokurorluğun Ağır Cinayətlərə Dair İstintaq İdarəsində istintaqı davam edən cinayət işi üzrə bir neçə dəfə dindirməyə çağırılmışam. Sonuncu dindirmə vəkilim Yalçın İmanovun iştirakı ilə keçirildi. Digər tərəfdən, ölkədən çıxışıma məhdudiyyət qoyulub. Bununla bağlı da məhkəmə işlərim var, şikayətim üzrə Avropa Məhkəməsində kommunikasiya mərhələsi başlayıb. Bu qadağanın aradan qaldırılmasından ötrü yenidən ölkə daxilində məhkəməyə müraciət etməli olsam, artıq Yalçın İmanov mənim hüquqlarımı müdafiə edə bilməyəcək. Çünki fəaliyyəti dayandırılıb”.

Jurnalist deyir ki, yerli məhkəmələr iddianı təmin etməsə, bu iş də Avropa Məhkəməsi müstəvisinə çıxarılacaq.

Eyni iddia ilə araşdırmaçı jurnalist Xədicə İsmayıl da məhkəməyə müraciət edəcəyini deyir. Onun sözlərinə görə, vəkili Yalçın İmanovun kollegiyadan uzaqlaşdırılması onun müdafiəsiz qalmasına səbəb olub.

Vəkillər Kollegiyasının rəhbərliyi isə hesab edir ki, adları çəkilən jurnalistlər məhkəmədən öncə onlara müraciət etməli idi:

"Əgər onların hüquqlarının müdafiəsi üçün vəkil təyin olunmasaydı, bu zaman onlarının iddiaları iftiradan uzaq və tutarlı hesab olunardı”.

Vəkillər Kollegiyasının Rəyasət Heyəti hesab edir ki, jurnalistlərin məhkəmə iddiası "son dövrlər vəkillik sahəsində aparılan mütərəqqi islahatlara qara yaxmağa, Vəkillər Kollegiyasının nüfuzunun aşağı salınmasına hesablanmış addımdır”.

Vəkillər Kollegiyasının Rəyasət Heyətinin qərarı ilə Yalçın İmanovun vəkillik fəaliyyəti dayandırılıb. Jurnalistlər bu qərarın onlara həm maddi, həm də mənəvi ziyan vurduğunu deyirlər.

Vəkillər Kollegiyası Rəyasət Heyətinin 2017-ci il noyabrın 20-də verdiyi qərarla Y.İmanovun vəkillik fəaliyyəti dayandırılıb. Səbəb kimi isə avqustda Penitensiar Xidmətin rəis əvəzi olmuş Oqtay Məmmədovun ondan şikayəti göstərilib.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo