Dünya

Merkel Türkiyənin hərəkətini pisləyir

1 Mart, 2017
745
Qərb mətbuatı Türkiyə ilə Almaniya arasındakı yeni nifaqdan yazır. Qalmaqala səbəb Almaniyanın «Die Welt» qəzetinin müxbiri Deniz Yücelin həbsidir. D.Yücel fevralın 14-dən tutulub. 

Ona heç bir ittiham irəli sürülmədən həbsdə saxlanıb. Srağagün – fevralın 27-də isə Türkiyə məhkəməsi jurnalistin terroru təbliğdə, nifrətə çağırışda günahlandırıldığını elan edib.

Britaniyanın «The Telegraph» qəzetinin yazdığına görə, D.Yücel-in həbsi onun kürdlərin terrorçu təşkilatı – PKK komandanından müsahibəsi, həm də Türkiyənin enerji nazirinin elektron məktublarına (email) haker hücumları haqda xəbəriylə bağlı ola bilər. Enerji və təbii ehtiyatlar naziri Berat Albayrak həm də Türkiyə prezidenti Recep Tayyip Erdoğan-ın kürəkənidir. Hakerlər onun email-lərindən bəzilərini «Wikileaks»ə ötürüblər.

Buna da bax-Almaniyada 'Erdoğan-a xəbərçilikdə şübhəli' imamların evlərinə reyd keçirilib

«ACI VƏ MƏYUSEDİCİ QƏRAR»

Mətbuatın yazdığına görə, D.Yücel-i dindirərkən onun hakerlərlə əlaqəsi olub-olmadığını soruşublar, həmçinin Türkiyənin kürd siyasəti, PKK komandanı Cemil Bayık-la bağlı sorğu-sual ediblər. D.Yücel C.Bayık-dan müsahibəni iki il əvvəl alıb.

Almaniya kansleri Angela Merkel jurnalistin həbsini pisləyib, bunun «acı və məyusedici» qərar olduğunu söyləyib və R.T.Erdoğan rejimini mətbuat azadlığına sayqı göstərməyə çağırıb, bunun demokratik cəmiyyət üçün önəmli olduğunu vurğulayıb.

«The Guardian» qəzeti isə Türkiyənin Berlindəki səfirinin XİN-ə çağrıldığını xəbər verir.
Sigmar Gabriel
Sigmar Gabriel

ÇƏTİN DÖNƏM

«Türkiyə çətin dönəm yaşayır. Bu dönəm Türkiyə-Almaniya münasibətləri üçün də çətindir», – Almaniyanın xarici işlər naziri Sigmar Gabriel belə deyib. O, D.Yücel-in həbsinin iki ölkə arasındakı fərqi göstərdiyini, qanunun aliliyi, söz və mətbuat azadlığına hörmət baxımından fərqləri ortaya qoyduğunu vurğulayıb.

Qərb mətbuatı A.Merkel-in bu aralar R.T.Erdoğan-a qarşı dura bilmədiyinə görə ölkəsində qınandığını xatırladır.

Türkiyədə çevriliş cəhdindən sonra jurnalistlərin həbsi adi hala çevrilib. Müxalifətdə olan Cümhuriyyət Xalq Partiyasının (CHP) məlumatına görə, hazırda ölkə həbsxanalarında 150-dən çox jurnalist var, 170-dən çox media orqanı bağlanıb. Ancaq alman mətbuat orqanı işçisinin həbsi, üstəlik, terroru təbliğdə günahlandırılması birinci dəfədir.

Beynəlxalq insan haqları təşkilatları – «Amnesty International», «Sərhədsiz Reportyorlar» D.Yücel-in həbsini pisləyib, Türkiyə hökumətini mətbuata basqını dayandırmağa çağırıblar. «Amnesty International» Türkiyənin jurnalistlərdən ötrü ən böyük həbsxanaya çevrildiyini deyib.

ALMANİYA TƏBLİĞATA İCAZƏ VERƏCƏKMİ?

Türkiyə rəsmiləri jurnalistlərin, eləcə də digərlərinin həbsinin çevrilişdən sonrakı təhlükəsizlik tədbirlərinin bir hissəsi olduğunu bildirirlər. Amma tənqidçilər hakimiyyətin fərqli düşüncə sahiblərini basqı altında saxlamaq niyyətində olduğunu düşünür.

Aprelin 16-da Türkiyədə referendum keçiriləcək, konstitusiyaya düzəlişlər səsə qoyulacaq. Düzəlişlər prezidentin səlahiyyətlərinin və fəaliyyət müddətinin artırılmasını nəzərdə tutur.

«The Telegraph» bir məsələni də qeyd edir: R.T.Erdoğan-ın Almaniyada referendumöncəsi təbliğat kampaniyasına icazə verilməsi indi sual altındadır, Almaniya rəsmiləri hazırda bu məsələni müzakirə edirlər.

Almaniyada 1.5 milyona qədər Türkiyə vətəndaşı yaşayır.///Azadliq.org

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Makron Avropadakı müttəfiqləri qorxaq olmamağa çağırıb

6 Mart 2024

Açıq mənbələrdən götürülüb

Fransa Prezidenti Emmanuel Makron Avropa dövlət başçılarına Ukrayna məsələsində qorxaqlıq etməmək barədə çağırış edib.  Toplum TV xəbər verir ki, Makron bu barədə Çexiyaya səfəri zamanı Praqada həmvətənləri qarşısında çıxış edərkən bildirib.  "Avropada qorxaqlıq etməməyin vacib olduğu bir məqama yaxınlaşırıq. Bizi gözləyən dramlardan danışmaq həmişə çətindir. Amma düşünürəm ki, Fransa da, Çexiya da baş verənləri anlayır. Müharibə torpaqlarımıza gəlib çatıb, dayandırılması qeyri-mümkün olan qüvvələr bizə qarşı hücum təhlükəsini genişləndirməkdə davam edir", - deyə o bildirib.  https://toplum.tv/dunya/pputin-qerbi-hedeleyib-facievi-neticeleri-olacaqp Xatırladaq ki, Fransa Prezidenti fevralın 26-da Parisdə Ukraynaya dəstək üçün keçirdiyi görüşdən sonra verdiyi açıqlamada Qərb qoşunlarının Ukraynaya göndərilməsini istisna etmədiyini bildirmişdi: "Bu gün quru...
Dünya

Fransa abort hüququnu konstitusiyaya salan ilk ölkə olub

5 Mart 2024

Açıq mənbələrdən götürülüb

Fransa qadınların abort hüququnu öz Konstitusiyasına salan ilk ölkə olub.  Toplum TV xəbər verir ki, qərar, lideri olduğu "Renessans" partiyası ilə birlikdə düzəlişlərin müəllifi olan Prezident Emmanuel Makron tərəfindən hərarətlə qarşılanıb. Fransa Parlamentinin sədri Yael Braun-Pive bildirib ki, 780 deputat təşəbbüsün lehinə, 72-si isə əleyhinə səs verib. https://toplum.tv/dunya/pquotpolitikoquot-fransa-nato-ya-qosunlarin-ukraynaya-goumlnderilmesini-teklif-edibp "Reuters" xəbərinə görə, parlamentin iclasında spikerin açıqlaması alqışlarla qarşılanıb. Dəyişiklik Konstitusiyanın 34-cü maddəsinə əlavə ediləcək. 

Seçilmiş Videolar

Toplum TV loqo