19:51, 16 Mart 2018 (Cümə) 87

Məcburi dövlət sosial sığorta sahəsində borclar silinib

Məcburi dövlət sosial sığorta sahəsində borclar silinib
Prezident İlham Əliyev "Məcburi dövlət sosial sığorta sahəsində borcların tənzimlənməsi haqqında" qanunun təsdiqlənməsi haqqında fərman imzalayıb.  

"APA"-nın verdiyi xəbərə görə, qanunda bildirilir ki, sığortaedənlərin müvafiq icra hakimiyyəti orqanının uçot sistemində mövcud olan 2006-cı ilin 1 yanvar tarixinə yaranmış və 2018-ci ilin 1 aprel tarixinədək ödənilməmiş məcburi dövlət sosial sığorta haqları üzrə borcları tam məbləğdə silinir. 

Sığortaedənlərin müvafiq icra hakimiyyəti orqanının uçot sistemində mövcud olan 2015-ci ilin 1 yanvar tarixinədək yaranmış və 2018-ci ilin 1 aprel tarixinədək ödənilməmiş məcburi dövlət sosial sığortası qaydalarının pozulmasına görə tətbiq edilmiş maliyyə sanksiyaları (hesablanmış penya) üzrə borcları tam məbləğdə silinir.