Siyasət

Jurnalistlər niyə istintaqa çağırılıb?

21 İyun, 2017
1332
İyunun 21-də "Kanal-13” internet televiziyasının aparıcısı Cavid Cabbarlı və müstəqil jurnalist Natiq Cavadlı Respublika Prokurorluğunun Ağır Cinayətlər üzrə İstintaq İdarəsinə çağrılıb.

Toplum Tv bu məsələ ilə bağlı jurnalistlərdən açıqlama alıb.

"Bura Azərbaycandır, istənilən vəziyyət müxtəlif istiqamətlərdə dəyişə bilir”

Jurnalist Cavid Cabbarlı qeyd edib ki, artıq 3-cü dəfədir prokurorluğun məlum idarəsinə çağrılır:

"Daha öncə ayın 19-u, saat 11 radələrində mənə məlum olmayan səbəblərə görə dindirilmə baş tutmadı. Məni həmin gün saat 3-də dəvət etdilər və yenə müəyyən problemlərə görə dindirilmə demək olar ki, baş tutmadı və növbəti dəfə çağırılacağımı bildirdilər. Bu gün axır ki, dəvət etdilər”.

Cavid Cabbarov istintaq sirrini yaymamaq barədə iltizama imza atdığı üçün suallarımızı ümumi cavablandırdı:
 


"”Kanal-13” internet televiziyasında mənim aparıcısı olduğum "Olduğu kimi” verilişi haqqında suallar verdilər. İyunun 1-də həbs olunmuş və barəsində 4 aylıq həbs-qətimkan tədbiri seçilmiş "Kanal-13" internet televiziyasının icraçı direktoru Əziz Orucov haqqında  və "Kanal-13” haqqında müəyyən suallar verildi. Eyni zamanda mən bir neçə kitab müəllifiyəm və bunlardan biri də "Gizli həqiqət” kitabıdır. Bu kitab nurçuluqdan bəhs edir, daha doğrusu, nurçuluğu əsaslı şəkildə tənqid edir. Kanalda axtarış zamanı həmin kitab da oradan götürülmüşdü. Kitab haqqında da bir çox suallar verildi. Bundan başqa, ölkədə baş verən ictima-siyasi proseslər haqqında da bəzi suallar verildi”.

Jurnalist hesab edir ki, bir daha prokurorluğa çağrılması üçün səbəb yoxdur: "Mən hesab etmirəm ki, yenə dindirilməyə çağırılaram, çünki ciddi bir məsələ yoxdur. Mənə aid sualların hamısına cavab verdim. Amma yenə də bura Azərbaycandır, istənilən vəziyyət müxtəlif istiqamətlərdə dəyişə bilir. Bugünkü təəssuratım odur ki, bu məsələ ilə bağlı bir daha prokurorluğa çağrılmayacağam”.

"Hər şey ola bilər”
 
Müstəqil jurnalist Natiq Cavadlı Toplum tv-ə açıqlamasında Baş Prokurorluğun Ağır Cinayətlərə Dair İşlər üzrə İstintaq İdarəsində üç saata yaxın dindirildiyini deyib: "Müstəntiq Əli Babayev mənə suallar ünvanladı. Suallar əsasən Əfqan Muxtarlı və Meydan tv ilə bağlı mövzuları əhatə edirdi”.
 

Natiq Cavadlı qeyd edib ki, istintaq sirrini yaymamaq barədə iltizama imza atdığı üçün detalları açıqlaya bilmir.

Sonda Natiq Cavadlı bildirib ki, yenidən ifadə verməyə çağrılması istisna edilmir: "Hər şey ola bilər”.

Son zamanlar bir çox jurnalist xüsusilə, Əfqan Muxtarlının işi ilə bağlı Respublika Prokurorluğunun Ağır Cinayətlər idarəsinə çağrılıb. Jurnalistlər Sevinc Vaqifqızı, Şahvələd Çobanoğlu, Xədicə İsmayıl Əfqan Muxtarlının işi ilə bağlı prokurorluqda ifadə verib. Jurnalist Aytac Əhmədovanın da 22 iyun tarixində ifadə verəcəyi gözlənilir. Jurnalistlərdən başqa Müsavat Partiyasının keçmiş və indiki rəhbərləri İsa Qəmbər və Arif Hacılı, təşkilatın aparat rəhbəri Gülağa Aslanlı da Muxtarlının işi üzrə dindiriliblər.

İzzətxanım Cabarlı
Toplum.tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo