14:02, 17 Sentyabr 2018 (Bazar ertəsi) 151

İnsan İnkişafı İndeksində ölkələrin sıralanması

İnsan İnkişafı İndeksində ölkələrin sıralanması


/ DÜNYA
BMT İnsan İnkişafı İndeksi-ni açıqlayıb. 

189 ölkəni əhatə edən hesabat orta ömür uzunluğu, təhsil müddəti, adambaşına ümumi daxil məhsul, sosial müdafiə, sağlamlıq, mədəni inkişaf, gender bərabərliyi, cinayətkarlığın səviyyəsi, ətraf mühitin qorunması, əhalinin qərarların qəbulunda iştirakı göstəricilərinə əsaslanır.

Reytinqə Norveç başçılıq edir. 2-ci pillədə İsveçrə, 3-cü yerdə Avstraliya qərar tutub.

İlk onluqda İrlandiya, Almaniya, İslandiya, Honkonq, İsveç, Sinqapur və Niderland da yer alır.

İnsan İnkişafı İndeksində ABŞ 13-cü, Yaponiya 19-cu, İsrail və Cənubi Koreya 22-ci, Fransa 24-cü, İspaniya 26-cı, İtaliya 28-cidir.

Estoniya 30-cu, Litva 35-ci, Latviya 41-ci, Rusiya 49-cu, Belarus 53-cü, Qazaxıstan 58-ci, İran 60-cı, Türkiyə 64-cü pillədədir.

Gürcüstan 70-ci, Azərbaycan 80-ci, Ermənistan 83-cü pillədə qərar tutur. Hesabata əsasən, Azərbaycanda orta ömür uzunluğu 71,1 yaş, adambaşına ümumi daxil məhsul 15 min 600 dollardır.

Ukrayna 88-ci, Özbəkistan 105-ci, Türkmənistan 108-ci, Moldova 112-ci, Qırğızıstan 122-ci, Tacikistan 127-ci yerdə göstərilir.

Siyahını Yəmən, Eritreya və Mozambik tamamlayır.

Mənbə: Novator.az