Dünya

Çin İrandan neft almağa davam edəcək

10 May, 2018
876
Çin İranın nüvə sazişinə sadiq qaldığını, İranın neft ixracının üçdə birini almağa davam edəcəyini bildirib.

Çin açıqlamanı mayın 9-da verib. 

O, İranla nüvə sazişini imzalamış ölkələrdən biridir və Birləşmiş Ştatların sənəddən çıxmağa qərar verməsinə baxmayaraq ona əməl edəcəyini deyib.

NEFTİN BARRELİ 77 DOLLARI AŞIB

İranın rəqibi Səudiyyə Ərəbistanı isə bildirib ki, Birləşmiş Ştatların dəstəkləyəcək, ABŞ-ın sanksiyaları bərpa etməsi nəticəsində yarana biləcək neft hasilatı kəsirini kompensasiya edəcək.

"Birləşmiş Ştatların bu qərarından təəssüflənirik”, – Çinin Xarici İşlər Nazirliyinin sözçüsü Geng Shuang deyib. 

O, Çinin nüvə paktının bütövlüyünü qorumaq istədiyini bildirib. Pekin inanır ki, bu saziş nüvə silahlarının yayılmasının məhdudlaşdırılması, Yaxın Şərqdə sabitliyin möhkəmləndirilməsindən ötrü vacibdir.

Çinin Xinhua agentliyi isə mayın 9-da Çinin Yaxın Şərqdəki xüsusi elçisi Gong Xiaosheng-in İran rəsmiləri ilə görüşdüyünü xəbərləyib. O, çoxtərəfli sazişin "çox ciddi və vacib” olduğunu vurğulayıb.

"Sazişin olması heç olmamasından yaxşıdır. Dialoq qarşıdurmadan yaxşıdır”, – o deyib.

İran neftinin çoxunu Çinə satır, qalanını Yaponiya və Cənubi Koreya alır. Onlar da Birləşmiş Ştatların qərarına baxmayaraq İranla işləməyə davam edəcəklərini bildiriblər.

Bu arada neftin qiyməti 2014-cü ilin noyabrından bəri ən yüksək səviyyəyə çatıb. Mayın 9-da London birjasında neftin barelinin dəyəri 77 dolları aşıb.

HASİLATDA GÖZLƏNƏN AZALMA

Ancaq Birləşmiş Ştatların sanksiyaları bərpa etməsinin İranın neft sektoruna ciddi ziyan vuracağı gözlənir.Təhlilçilərin dəyərləndirməsinə görə, İranın gündəlik 4 milyon barrellik neft hasilatı 200 min- 600 min barrel azala bilər.

Sanksiyaları açıqlayan ABŞ rəsmiləri Fars Körfəzindəki müttəfiqlərinin hasilatda yaranacaq kəsiri kompensasiya edəcəklərini gözlədiklərini dilə gətirib. Bu halda sanksiyaların dünyada neftin qiymətinə təsiri azala bilər.

İranın ərəb dünyasındakı rəqibi, nüvə sazişinin opponenti Səudiyyə Ərəbistanı mayın 9-da bu çağırışa cavab verib, deyib ki, "neft bazarlarında sabitliyin dəstəklənməsinə sadiqdir”.

Dünyanın ən böyük neft hasilatçısının bu açıqlaması neftin bahalanmasını əngəlləyə bilər. Amma təhlilçilər İranın və OPEC-in digər üzvlərinin ona qarşı çıxacağını düşünür, çünki bu, neft hasilatına hazırkı məhdudiyyətin pozulması deməkdir.///azadliq.org

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Makron Avropadakı müttəfiqləri qorxaq olmamağa çağırıb

6 Mart 2024

Açıq mənbələrdən götürülüb

Fransa Prezidenti Emmanuel Makron Avropa dövlət başçılarına Ukrayna məsələsində qorxaqlıq etməmək barədə çağırış edib.  Toplum TV xəbər verir ki, Makron bu barədə Çexiyaya səfəri zamanı Praqada həmvətənləri qarşısında çıxış edərkən bildirib.  "Avropada qorxaqlıq etməməyin vacib olduğu bir məqama yaxınlaşırıq. Bizi gözləyən dramlardan danışmaq həmişə çətindir. Amma düşünürəm ki, Fransa da, Çexiya da baş verənləri anlayır. Müharibə torpaqlarımıza gəlib çatıb, dayandırılması qeyri-mümkün olan qüvvələr bizə qarşı hücum təhlükəsini genişləndirməkdə davam edir", - deyə o bildirib.  https://toplum.tv/dunya/pputin-qerbi-hedeleyib-facievi-neticeleri-olacaqp Xatırladaq ki, Fransa Prezidenti fevralın 26-da Parisdə Ukraynaya dəstək üçün keçirdiyi görüşdən sonra verdiyi açıqlamada Qərb qoşunlarının Ukraynaya göndərilməsini istisna etmədiyini bildirmişdi: "Bu gün quru...
Dünya

Fransa abort hüququnu konstitusiyaya salan ilk ölkə olub

5 Mart 2024

Açıq mənbələrdən götürülüb

Fransa qadınların abort hüququnu öz Konstitusiyasına salan ilk ölkə olub.  Toplum TV xəbər verir ki, qərar, lideri olduğu "Renessans" partiyası ilə birlikdə düzəlişlərin müəllifi olan Prezident Emmanuel Makron tərəfindən hərarətlə qarşılanıb. Fransa Parlamentinin sədri Yael Braun-Pive bildirib ki, 780 deputat təşəbbüsün lehinə, 72-si isə əleyhinə səs verib. https://toplum.tv/dunya/pquotpolitikoquot-fransa-nato-ya-qosunlarin-ukraynaya-goumlnderilmesini-teklif-edibp "Reuters" xəbərinə görə, parlamentin iclasında spikerin açıqlaması alqışlarla qarşılanıb. Dəyişiklik Konstitusiyanın 34-cü maddəsinə əlavə ediləcək. 

Seçilmiş Videolar

Toplum TV loqo