Siyasət

"Hicab məhbusu" azadlığa çıxıb

19 Fevral, 2019
1033
"Hicab məhbusu" kimi tanınan və sonradan həbs müddəti artırılan Telman Şirəliyev fevralın 18-də azadlığa çıxıb.

Hüquq müdafiəçisi Oktay Gülalıyev Azadlıq Radiosuna deyib ki, T.Şirəliyev orta və ali məktəblərə hicabla getməyə icazə verilməməsinə etiraz olaraq 2012-ci ildə Təhsil Nazirliyi önündə keçirilmiş aksiyada iştirak edib və bu zaman saxlanaraq 6 il həbs cəzası alıb: "O zaman T.Şirəliyevi ictimai asayişi, yol qaydalarını pozmaqda, hökumət nümayəndəsinə müqavimət göstərməkdə ittiham ediblər və Bakı Ağır Cinayətlər Məhkəməsinin hökmü ilə 6 il azadlıqdan məhrum olunub".

Hüquq müdafiəçisinin sözlərinə görə, 2018-ci ildə 6 illik həbs müddətinin bitməsinə az qalmış T.Şirəliyevə əlavə cinayət işi açılıb: "Bu dəfə isə T.Şirəliyevin yastığının altından deşici alət tapıldığı bildirilib. Buna görə Cinayət Məcəlləsinin 317.2-ci (Cəzaçəkmə müəssisələrində saxlanan şəxs tərəfindən qadağan olunmuş əşyaların hazırlanması, saxlanılması, gəzdirilməsi, daşınması və ya istifadəsi) maddəsi ilə ittiham edilib".

O.Gülaliyev deyib ki, Xətai Rayon Məhkəməsinin hökmünə əsasən, T.Şirəliyev 5 ay 18 gün müddətinə azadlıqdan məhrum edilib. Bakı Apellyasiya Məhkəməsinin qərarı ilə isə o, fevralın 18-də azad olunub.

6 gün öncə, fevralın 13-də AXCP Rəyasət Heyətinin üzvü Məmməd İbrahim də vaxtından əvvəl azadlığa buraxılıb. Fevralın 13-də Bakı Apellyasiya Məhkəməsində Həsən Əhmədovun sədrlik etdiyi hakimlər kollegiyası bu barədə qərar çıxarıb. O, 2015-ci ildə xuliqanlıqda ittiham edilərək 3 il həbs cəzası almışdı. Ancaq həbs müddətinin başa çatmasına bir neçə gün qalmış onun da yastığının altından kəsici-deşici alət tapıldığı iddia edilmişdi. Apellyasiya məhkəməsində isə ona verilən 5 ay 22 günlük cəza azaldılaraq 4 ay 16 günə endirildiyindən o, sərbəst buraxılmışdı.

T.Şirəliyev 2012-ci il oktyabrın 5-də Təhsil Nazirliyi qarşısında "hicaba azadlıq" şüarı ilə keçirilən aksiya ilə bağlı həbs edilib. 2013-cü il iyunun 5-də məhkəmənin qərarı ilə 6 il həbs cəzası alıb. Həmin hadisə ilə bağlı ümumilikdə 35 şəxs həbs edilmişdi. Xuliqanlıq, ictimai asayişi pozma və başqa cinayətlərdə ittiham edilən bu şəxslər 1 il 6 aydan 6 ilə kimi həbs cəzaları almışdılar.
 
Hüquq-müdafiə qurumlarının siyasi məhbus saydığı T.Şirəliyev bu ilin oktyabr ayında azadlığa çıxmalı idi. Ancaq sentyabrda ona yeni cinayət işi açıldığı deyilirdi. Yaxınlarının açıqlamasına görə, ittihamda bildirilirdi ki, T.Şirəliyevin yastığının altından biz tapılıb. Məhbusun yaxınları ittihamın qurama olduğunu qeyd etmişdilər. Hüquq müdafiəçiləri isə deyirdilər ki, hakimiyyət bu yolla siyasi məhbusları sındırmaq niyyəti güdür.

T.Şirəliyev həbsdə qalan sonuncu «hicab məhbusu» idi.

Azərbaycan rəsmiləri isə ölkədə siyasi məhbusların olması fikri ilə razılaşmırlar. Onlar deyirlər ki, siyasi məhbus adlandırılanlar məhz törətdikləri əmələ görə məsuliyyətə cəlb ediliblər.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo