Siyasət

Həmkarların sədrlik postu da 7 illik oldu

6 Fevral, 2018
1070
Azərbaycan Həmkarlar İttifaqları Konfederasiyasının (AHİK) V Qurultayı keçirilib.

APA-nın məlumatına görə, AHİK-in V qurultayının nümayəndələrinin Dağlıq Qarabağ münaqişəsi ilə əlaqədar dünya həmkarlar ittifaqlarına müraciəti səsləndirilib.

Qurultayda bu il keçiriləcək növbədənkənar prezident seçkilərində İlham Əliyevin yenidən namizədliyi irəli sürülüb. Qurultay nümayəndələri adından prezident İ.Əliyevə müraciət qəbul olunub.

Həmkarların qurultayında prezident seçkisi söhbəti
Bu il aprelin 11-də növbədənkənar prezident seçkiləri keçiriləcək.

APA-nın məlumatına görə, bunu Azərbaycan Həmkarlar İttifaqları Konfederasiyasının (AHİK) V Qurultayında çıxışında Azərbaycan prezidentinin İctimai-siyasi məsələlər üzrə köməkçisi Əli Həsənov deyib.

«Bilirik ki, Azərbaycan Həmkarlar İttifaqları Konfederasiyasının qurultaylarında həmişə İlham Əliyevin prezidentliyə namizədliyini irəli sürürsünüz. Bu dəfə də bütün həmkarlar ittifaqları işçilərinin İlham Əliyevin namizədliyini dəstəkləməyə çağırırıq», - deyə o qeyd edib.

Həmkarlar İttifaqları Konfederasiyasının qurultayıdır
Bu gün, fevralın 5-də Azərbaycan Həmkarlar İttifaqları Konfederasiyasının (AHİK) V qurultayı başlayıb.

AZƏRTAC-ın xəbərinə görə, qurultayda Azərbaycan prezidentinin ictimai-siyasi məsələlər üzrə köməkçisi Əli Həsənov, əmək və əhalinin sosial müdafiəsi naziri Səlim Müslümov iştirak edir. Habelə, tədbirə sahə həmkarlar ittifaqları təşkilatlarından 1300-dək nümayəndənin, dövlət, hökumət rəsmilərinin və 30 ölkədən 85 nəfər beynəlxalq həmkarlar ittifaqı təmsilçisinin qatıldığı bildirilir.

Qurultayı AHİK-in sədri, Milli Məclisin deputatı Səttar Mehbalıyev açıb.

Həmkarların sədrlik postu 7 illik oldu
Azərbaycan Həmkarlar İttifaqları Konfederasiyasının (AHİK) bu gün, fevralın 5-də keçirilmiş 5-ci qurultayında quruma sədr seçilib.

"Turan” agentliyinin xəbərinə görə, bu postu növbəti 7 ildə hazırkı sədr, deputat Səttar Mehbalıyev tutacaq.

Onun namizədliyi AHİK-nin 2013-2018-ci illərdəki fəaliyyəti ilə bağlı çıxışlar zamanı irəli sürülüb.

Səttar Mehbalıyev açıq səsvermə yolu ilə yenidən konfederasiyasının sədri seçilib.

Qurultay iştirakçıları həmçinin, AHİK sədrinin səlahiyyət müddətinin 5 ildən 7 ilədək artırılması məsələsini də müzakirə ediblər. Təklifin səsə qoyularaq təsdiqləndiyi bildirilir.

S. Mehbalıyev 1955-ci ildə Naxçıvanın Kəngərli rayonunun Qıvraq kəndində doğulub.

Onun ötən əsrin 90-cı illərindən bu postu tutduğu bildirilir.

Azərbaycanda Həmkarlar İttifaqları Konfederasiyasına birmənalı münasibət yoxdur. Bəzi ekspertlər hesab edir ki, bu qurum əməkçilərdən çox hökumətin maraqlarını müdafiə edir. Onların deməsinə görə, müəssisə və təşkilatlarda isə işçilərin hüquqlarını qoruyan müstəqil qurumların yaradılmasına imkan verilmir.

Azərbaycan Həmkarlar İttifaqları Konfederasiyası tənqidləri haqlı saymır. Hökumət təmsilçiləri isə həmkarların işinə qarışmadıqlarını bildirirlər.

2016-ci ildə keçirilən referendumla Konstitusiyaya da dəyişiklik edilib. Azərbaycanda prezidentlik müddəti 5 ildən 7 ilə artırılıb.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo