Məqsədimiz Gürcüstanda yaşayan etnik azlıqların bütün hüquqlarını müdafiə etmək, onların siyasi və ictimai həyatda demokratik proseslərin və ölkə iqtisadiyyatının inkişafına verdikləri töhfələri qiymətləndirmək, cəmiyyətə inteqrasiyasını dəstəkləməkdir.
"Report”un Gürcüstan bürosu xəbər verir ki, bu fikirlər Kvemo Kartli bölgəsinin Bolnisi rayonunda milli azlıqların problemlərinə həsr olunmuş konfransda səslənib.
Konfransda Gürcüstan Barış və Vətəndaş Məsələləri üzrə Dövlət Nazirliyinin təşkilatçılığı ilə qəbul edilmiş "2015-2020-ci illər üçün Vətəndaş Bərabərliyi və İnteqrasiya Strategiyası” planı müzakirə olunub.
Tədbirdə Bolnisi şəhər meri David Şerazadişvili, Kvemo Kartli bölgə qubernatorunun müavini Zaur Darğallı, Gürcüstan Barış və Vətəndaş Məsələləri üzrə Dövlət Nazirliyinin Kvemo Kartli üzrə müşaviri Ayaz Məmmədov çıxış edərək bölgədə milli azlıqların hüquqlarının müdafiəsi istiqamətində görülən işlər, qəbul olunmuş qərarlar və strateji planın məqsədi barədə məlumat veriblər.
Bildirilib ki, Kvemo Kartli bölgəsinin təşəbbüsü ilə etnik azlıqların problemlərini həll etmək üçün Məsləhət Şurası yaradılıb. Şuranın məqsədi bölgədə həyata keçirilən proqramlarda, sosial və iqtisadi məsələlərdə milli azlıqların fəaliyyətini təkmilləşdirməkdir. Şuraya milli azlıqların maraqları və onların iştirakı ilə müxtəlif məsələlərlə bağlı tövsiyələr hazırlamaq səlahiyyətləri verilib.
Məsləhət Şurasının iclaslarına Xalq Müdafiəçisi aparatı (Ombudsman) nəzarət edəcək.
Çıxışılarda bildirilib ki, bu strategiya nəticəsində həyata keçirilən inteqrasiya, öz növbəsində, mədəniyyətlərarası və millətlərarası sülhü və sabitliyi təmin edəcək.
Tədbirdə rayon bələdiyyəsinin, kənd icra nümayəndəliklərinin və milli azlıqların təmsilçiləri iştirak ediblər.
Ayaz Məmmədov "Report”un yerli bürosuna açıqlamasında bildirib ki, əsas vəzifəmiz etnik azlıqların hüquqlarının qorunması sahəsində dövlət orqanları tərəfindən həyata keçirilən fəaliyyəti dəstəkləmək, həm hökumət, həm də qeyri-hökumət təşkilatlarının birgə əməkdaşlığını təmin etməkdir: "Biz milli azlıqların vətəndaş cəmiyyətinə inteqrasiyasını yaxşılaşdırmaq üçün ardıcıl aparılan siyasətin inkişafına çalışacağıq”.
A.Məmmədov deyib ki, bu cür tədbirlər Dmanisi və Qardabani rayonlarında da təşkil olunub. Növbəti tədbir Marneuli rayonunda keçiriləcək.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər
Açıq mənbələrdən götürülüb
Açıq mənbələrdən götürülüb
Makron Avropadakı müttəfiqləri qorxaq olmamağa çağırıb
Neft gəlirləri ədalətli bölünürmü? - SORĞU
İranla münasibətlər bərpa olunur, azərbaycanlı diplomatlar qayıdacaq
"Arxa cəbhədə olmuşuq deyə veteranlıq vermirlər"
Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər