Manşet

Ərdoğan: “Obama bizi aldatdı”

21 Aprel, 2017
783
Türkiyə prezidenti Rəcəp Tayyip Ərdoğan "Əl-Cəzirə" kanalına müsahibə verib. Müsahibə zamanı Ərdoğan bir çox məqama aydınlıq gətirib. Əsas müzakirə mövzuları isə referendum və ABŞ-la əlaqələr olub.

Ərdoğan Trampın PKK (Kürd Fəhlə Partiyası ), PYD (Suriya Kürd Partiyası ) YKG (Suriya Xalq Müdafiə Birliyi ) ilə əlaqədar siyasətini dəyişdirəcəyinə aid vəd verib-verməməsi ilə bağlı sualı cavablandırarkən bundan öncə də terror təşkilatlarına qarşı birgə səylərimizi birləşdirməli olduğu haqqında müzakirənin olduğunu deyib: 

"Trampla görüşümüz zamanı bu məsələnin üz-üzə, detallı şəkildə müzakirəsi olacaq və biz bir çox sənədi də qarşı tərəfə təqdim edəcəyik. PKK ilə bağlı razılaşmamız hələ Obama administrasiyasının dönəmində  var idi, lakin Obama bizi PYD və YGK mövzusunda aldadıb. Hazırkı administrasiyanın eyni şeyi təkrar edəcəyini zənn etmirəm”.

Ərdoğanın bu bəyanatı Türkiyə mediasında ciddi müzakirə mövzusuna çevrilib. Belə ki, Ərdoğan referendumöncəsi çıxışlarından biri zamanı: "Siyasi həyatım boyu nə aldadan, nə aldadılan tərəf olmuşam", - ifadəsini işlətmişdi. 

15 gün sonra isə bu bəyanatla özünü təkzib etmiş oldu.

Ərdoğan Avropa Şurasının nümayəndəsini tənqid edib...

Avropa Şurasının Müşahidə Komissiyasının heyət üzvü olan Andrey Hunkonun əlində PKK bayrağı tutduğu iddia olunan şəklini göstərən Ərdoğan: "Əlində  PKK bayrağı tutan bir insan necə müstəqil ola bilər? O, burada terroristlərə sözçülük vəzifəsini yerinə yetirir. Onun hazırladığı hesabatı müstəqil bir mənbə kimi qəbul etmək mümkündürmü?", - sualını ünvanlayıb.

Andrey Konstantin Hunko 1963-cü ildə Almaniyada anadan olub. Almaniya Sol Sosialist Partiyasından Bundestaqın və Avropa Şurası Parlament Assambleyasının üzvüdür.
Qısa müddət öncə Türkiyənin xarici işlər naziri Mövlud Çavuşoğlu da Hunkonu PKK-nı dəstəklədiyi üçün tənqid etmişdi.

"Əgər diktator olsaydım, seçkiyə getməzdim..."

Ərdoğan referendumla bağlı ona yönələn reaksiyaları da cavabsız qoymayıb: "Əgər diktator olsaydım, seçkiyə getməzdim, diktatorlar daha çox başqa yollardan istifadə edir".

Ərdoğan Hollandiya və Almaniyanı da tənqid etməkdən çəkinməyib. O, seçki kampaniyasının keçirilməsinə izn verilməməsinə baxmayaraq, referendum səsverməsində "evet”in faiz nisbətinin çox olmasının avropalıları "narahat etdiyini” söyləyib. 

Almaniyanın baş naziri Angela Merkelin onu hələ də təbrik etdmədiyini deyən Ərdoğan bunu "günahkarlıq psixologiyası” ilə əlaqələndirib.

Ərdoğan və Tramp 17-18 mayda  Ağ Evdə görüşəcək. Bu barədə məlumatı Ərdoğan ATV kanalına müsahibəsi zamanı verib. 

ATƏT, Avropa Şurası və Avropa İttifaqının müşahidəçiləri Türkiyədə keçirilən referendumun nəticələri barədə ortaq bəyanat yayaraq, onun "Avropa standartlarına uyğun olmadığı”nı bildiriblər. 

İzzətxanım Cabarlı
ToplumTv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Manşet

"Cənab prezident, sərhədləri açın, uşaqlarımıza kömək edə bilək"

1 Sentyabr 2022
Azərbaycanda  pandemiyaya görə tətbiq edilən bir sıra məhdudiyyətlər aradan qaldırılıb. Quru sərhədlərin bağlı qalması iki ildən çoxdur ki, davam edir. Hazırda insanlar ölkəni yalnız hava yolu ilə tərk edə bilirlər.       Rüxsarə Əliyeva "Toplum TV"-yə deyir ki, oğlu Məhəmmədi müalicə ilə bağlı İrana aparmalıdır. Amma maddi durumu və oğlunun təyyarəyə olan fobiyasına görə, artıq iki ildir ki, Bakıdan çıxa bilmirlər.   Məhəmməd ağır dərəcəli revmatizm-artiret xəstəliyindən əziyyət çəkir, sümük-oynaq problemlərinə görə, hərəkətində məhdudiyyətlər yaranıb.   "Demək olar ki, son 3-4 il ərzində oturub-durmağı çətinləşib. Sümük böyüdükcə, inkişaf etdikcə çətinlik də artır. Pilləkan çıxıb düşə bilmir, düz yolu mənim...
Manşet

Keçmiş MTN polkovniki  hökmü eşidəndə halı pisləşdi 

24 İyun 2022

e-huquq.az

İyunun 24-də Bakı Ağır Cinayətlər Məhkəməsində 2015-ci ildə ləğv edilmiş Milli Təhlükəsizlik Nazirliyinin keçmiş polkovniki, işdən uzaqlaşdırılandan sonra Lənkəran Dövlət Universitetinin prorektoru olmuş, sonradan bu işindən də kənarlaşdırılmış Bahadır Qocayevin məhkəməsi başa çatıb. Məhkəmə iclasına hakim İradə Həsənzadə sədrlik edirdi.  Ötən il Dövlət Təhlükəsizlik Xidmətinin həbs etdiyi Bahadır Qocayev 70 min manatdan çox pulu dələduzluq yolu ilə ələ keçirməkdə ittiham olunur. İttihama görə, o, bir neçə il əvvəl Xaçmazın Seyidlər kəndindəki bağ evini borclu olduğu bir şəxsə borc əvəzi etibarnamə ilə verib. Həmin şəxs də evi Fazil Alıyev adlı digər şəxsə 60 min manata satıb. Bir müddət sonra Bahadır Qocayevin...

Seçilmiş Videolar

Toplum TV loqo