Siyasət

Elçin Şıxlı məhkəmədə ifadə verib

13 Mart, 2019
1137
Azərbaycan Jurnalistlər Birliyinin sədri Elçin Şıxlı rəhbərlik etdiyi "Ayna” və "Zerkalo” qəzetlərinin redaksiyasında "Teref.info” saytının yerləşməsinə imkan verdiyinə görə Bakı Ağır Cinayətlər Məhkəməsində dindirilib.

Martın 13-də hakim Zeynal Ağayevin sədrliyilə "Teref.info” saytının baş redaktoru, Qarabağ müharibəsinin iştirakçısı, "Bozqurd” batalyonunun komandiri Nurəddin İsmayılovun (Xoca) işi üzrə məhkəmə prosesi davam etdirilib.

Şahid qismində ifadə verən E.Şıxlı bildirib ki, onu N.Xocanın işi üzrə istintaq vaxtı prokurorluqda da dindiriblər. Orada verdiyi ifadəni təsdiqləyir. E.Şıxlı həmin ifadəsində bildirib ki, N.Xocanın işləməyə yeri olmadığına görə öz redaksiyasında ona yer verib.

N.Xoca Gəncə şəhər İcra Hakimiyyətinin sabiq başçısı Elmar Vəliyevin güllələnməsi və Mingəçevir Su Elektrik Stansiyasındakı qəzalar barədə "Teref.info” saytında yayımlanan yazılara görə Cinayət Məcəlləsinin 281 (dövlət əleyhinə çağırışlar), 309 (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittiham olunur.

N.Xocanın vəkili Elçin Sadıqov həmin yazılara rəy vermiş ekspert Bəxtiyar Əliyevin məhkəmədə dindirilməsi barədə vəsatət qaldırıb. Ekspertiza rəyində iş materiallarına əlavə olunmuş yazılarda dövlət əleyhinə çağırışlar olduğu iddia edilir.

Vəkil bildirib ki, B.Əliyev gəlsin, rəyini əsaslandırsın: "Çünki həmin yazılarda dövlət əleyhinə heç bir çağırış yoxdur”.

Məhkəmənin vəsatətlə bağlı qərarı növbəti məhkəmə iclasında açıqlanacaq. Proses martın 18-nə qədər təxirə salınıb.

N.Xoca özünü təqsirli bilmir və rəhbərlik etdiyi saytdakı yazılarda dövlət əleyhinə çağırışlar olmadığını bildirir. Onun sözlərinə görə, yazılar başqa saytlardan, o cümlədən "musavat.com”dan götürülüb: "Mənim saytımda sadəcə, harın məmurlar tənqid olunub”.

Meydan Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo