Siyasət

"Əfqan Sadıqovun səhhəti yaxşı deyil"

3 Aprel, 2018
748
Azel.tv saytının həbsdə olan təsisçisi və redaktoru Əfqan Sadıqov həyatına təhlükə olduğunu bildirir.

Bu haqda onun həyat yoldaşı Sevinc Sadıqova danışıb. O, dünən, aprelin 2-də 17 saylı Cəzaçəkmə Müəssisəsində Əfqan Sadıqovla görüşüb.

Həyat yoldaşının deməsinə görə, əri bildirib ki, Kürdəxanıdakı istintaq təcridxanasında saxlanarkən ona soyuq olub:

"Xəstələndiyindən ona iynə vurulub. O vaxtdan onun səhhətindəki problemlər daha da şiddətlənib."

Kürdəxanıdan müəssisəyə qaytarıldıqdan sonra baş ağrıları, ürək bulanması, baş gicəllənmələri başlayıb. Ürək nahiyyəsindəki ağrıları ona möhkəm əziyyət verir. 10 gündən çoxdur ki, həkimlər bu problemi həll edə bilmirlər”.

Həyat yoldaşının sözlərinə görə, Əfqan Şadıqovun qan təziqi sürətlə qalxır.

"Belə olduqda iynə vurulur, təzyiq 2-3 saatlığa normala düşür. İynənin təsiri keçəndən sonra təziq yenidən yuxarı qalxmağa başlayır. Hər gün xeyli həblər içir, lakin heç bir xeyri yoxdur”, xanımı deyib.

S.Sadıqova cəzaçəkmə müəssisəsində olarkən həyat yoldaşının təzyiqinin yenidən qalxdığını, həkimlərin müdaxilə etdiyini bildirib. O, ərinin müalicə məqsədi ilə göndərilməli olduğunu ifadə edib.

Əfqan Sadıqovun sağlıq durumu ilə bağlı, hələlik, 17 saylı Cəzaçəkmə Müəssisəsindən və Penitensiar Xidmətdən münasibət almaq mümkün olmayıb.


 Azel.tv saytının təsisçisi və redaktoru Əfqan Sadıqov 2016-cı il noyabrın 22-də saxlanıb. O, icra hakimiyyətinin binasında bir qadını vurmaqda ittiham olunub. Sadıqov bunu "qurama iş” adlandırıb.

2017-ci il yanvarın 12-də 127.2.3-cü (xuliqanlıq niyyəti ilə təhlükəli üsulla sağlamlığa qəsdən az ağır xəsarət yetirmə) maddəsi ilə mühakimə olunub. Ona 2 il 6 ay həbs cəzası verilib.

Amma noyabrın 7-də Ali Məhkəmə ittihamı 127.1-ci (sağlamlığa həyat üçün təhlükəli olmayan az ağır xəsarət yetirmə) maddəyə tövsif edib və həbs cəzasını 1 il azaldıb.

Сəza müddətinin başa çatmasına az qalsa da onun həbs müddəti uzadıla bilər. Çünki iki ay əvvəl həbsdəki jurnalistə qarşı daha bir məhkəmə prosesi başlayıb. Əfqan Sadıqovu bu dəfə Cəlilabad Rayonun İcra Hakimiyyətinin keçmiş, Yasmal rayonunun yeni başçısı Əziz Əzizov böhtanda ittiham edir. O, jurnalistə həbs cəzası verilməsini tələb edir. Həmin məhkəmə prosesi bu günlərdə davam etdiriləcək.

Əfqan Sadıqov böhtanla bağlı ittihamı qəbul etmir. Məhkəmə ittihamı təsdiqləsə, jurnalistə əlavə 3 ilədək həbs cəzası verilə bilər.

Hüquq müdafiə təşkilatları Əfqan Sadıqovu siyasi məhbuslar siyahısına daxil ediblər.

Ancaq rəsmilər ölkədə siyasi məhbusların olması fikrini qəbul etmirlər. Rəsmilər deyirlər ki, siyasi məhbus sayılan şəxslər konkret törətdikləri əmələ görə, məsuliyyətə alınıblar.

azadliq.org



Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo