Sosial

"Dövlətin bu qədər sərvətləri olduğu halda xalq belə yaşamamalıdır”

12 Mart, 2019
1281
74 yaşlı Telman Əliyev Bərdədə dünyaya gəlib. 
 

Uşaqlıqdan  rəssamlığa çox marağı olub. Həvəskar rəssamlığa da əsgərliyə getdiyi Rusiyada başlayıb. Amma indi çox sevdiyi sənəti ona istədiyi kimi qazanc gətirmir…
 

"Pensiya heç nəyə çatmır”

Boyaların qiymətinin qalxmasından şikayətlənən Telman Əliyev deyir ki, 160 manat pensiya alır. Ancaq bu, onun gündəlik ehtiyaclarını ödəmir: "Hər şeyin qiyməti gündən-günə artır. Boyaların da qiyməti qalxıb, şəkil çəkdirən də çox deyil. Bizim dövlətin bu qədər sərvətləri olduğu halda xalq belə pis durumda yaşamamalıdır”.
 

Rəssam deyir ki, adətən, onu tanıyanlar, dost-tanış gəlib rəsim çəkdirir: "Başqa kiminsə gəlməsi nadir hallarda olur. Oturub gözləyirəm ki, kimsə gəlib rəsm istəyəcək, hazırlayıb 3-5 manat qazanacam. İmkanım olsa, bu dəqiqə təbiət qoynuna çıxaram, çəkərəm. Balaca otaqda oturub kimisə gözləmərəm”.
 

Telman Əliyev karikaturalar da çəkir. Hazırladığı karikaturalara görə hərdən problemlər də yaşayır: "Sosial şəbəkələrdə çəkdiyim karikaturaları paylaşırdım, şikayət edib səhifəmi bağlatdırdılar. Başıma gətirdiklərinə görə Mehriban xanıma məktublar yazdım, gördüm cavab gəlmir. Mən də bir dəfə karikatura hazırlayıb göndərdim, ona da cavab gəlmədi. İşlədiyim yerdən çıxarmağa çalışdılar, köhnə icra başcısı tanış idi, dedi "dəyməyin”, ondan sonra sakitləşdilər”.

Telman Əliyev bələdiyyədən də şikayətçidir. 

Deyir ki, pay torpağı saxta sənədlərlə zəbt olunub. Sonra da başqasına satıblar, indi həmin ərazidə tikinti aparılır: "Bildiyimə görə qanunla pay torpağında tikintiyə icazə yoxdu, amma bunlar tikirlər”.
 

"Məhkəmə də bələdiyyənin tərəfini tutdu”

"Apelyasiya Məhkəməsi mən olmadan qərar verib. Getdim, dedilər "çağıracağıq”, sonra məktub göndərdilər ki, bəs məhkəmə qərarıdır. Həyat yoldaşımın imzasını saxtalaşdırıblar. Ali Məhkəmə də qərarı qüvvədə saxladı. Heç kim səsimi eşitmədi. Mənə dəyən ziyanın ödənilməsini istəyirəm, başqa heç nə”, – Telman Əliyev gileylənir.

Rəssam düşünür ki, problemlərini ictimailəşdirsə, onun da səsini eşidən tapılacaq. 

Əbülfət Baxşəli
Toplum.tv


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo