Siyasət

BDU-nun rektoru kim olsun? - SORĞU

15 Noyabr, 2018
2760
Abel Məhərrəmov Bakı Dövlət Universitetinin rektoru vəzifəsindən azad edilib.

Prezident İlham Əliyev Abel Məhərrəmovun Bakı Dövlət Universitetinin (BDU) rektoru vəzifəsindən azad edilməsi haqqında sərəncam imzalayıb.

Sərəncamdan sonra sosial şəbəkələrdə yarızarafat- yarıgerçək istifadəçilər BDU-nun rektor postuna görmək istədikləri namizədlərin adlarını yazıblar.

Bəs BDU-ya yeni rektor kim təyin edilsə yaxşı olar?

Mövzuyla bağlı Toplum.tv ictimai şəxslər arasında sorğu keçirib.

Təhsil adamı Nabatəli Qulamoğlu deyir ki, bu suala birmənalı cavab verə bilməz: "Mənim nəzərdə tutduğum namizədi hökumət dəstəkləməz. Mən orada proffessor Elmira Muradəliyevanı rektor görürəm. Yüksək savada və sağlam əqidəyə malikdir. Amma bu hökumət onu Yusif Sərracın gününə salar”.

İqtisadçı, eləcə də elm adamı Qubad İbadoğlu bildirir ki, yeni rektor prinsipial şəxs olmalıdır: "Təhsilin idarəedilməsi sahəsində təcrübəsi olan, müasir təhsil sisteminə bələd olan orta yaşlı, dürüst, korrupsiyaya qarşı mübrizədə prinsipiallıq göstərən elm adamıola bilər. Hazırda rektor Pedoqoji Universitetin, İqtisad Universitetinin, Neft Sənaye universitetinin rektorlarından birini göndərmək olar”.

Hüquqşünas Xalid Ağəli isə deyir ki, elə ən doğru seçim Abel müəllim idi: "İndiki mühitdə Elon Musk-ı da gətirib BDU-ya rektor qoysanız, heç nə dəyişməyəcək. Mühit dəyişməlidir, mühit dəyişməz qaldıqca, fərdlər Vəkillər Kollegiyası nümunəsində olduğu kimi zahiri bər-bəzəkdən savayı heç bir yenilik gətirməyəcək”.

BDU-nun yetirməsi, jurnalist Seymur Kazimovun fikrində isə namizəd yoxdur: "Onu bilirəm ki, alim olmalı deyil. Menecment bacarığı olan kimsə olsa yaxşı olar”.

Təhsil işçisi Kamran Əsədov düşünür ki, rektor postuna namizəd Nərgiz Paşayeva ola bilər: "Çünki o qısa müddətdə rəhbəri olduğu universitetdə böyük işlər görüb. Bundan əlavə, təhsildə böyük nüfuza malikdir. İdarəetmə bacarığı yüksək səviyyədədir”.

Yazar, 525-ci qəzetin baş redaktoru Rəşad Məcid də Nərgiz Paşayevanı Bakı Dövlət Universitetinin rektoru kimi görmək istəyir.

Nəzrin Bədəlli

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo