Siyasət

Azərbaycanda ailə hakimiyyətinin bərqərarı, yoxsa cəmiyyətin sifarişi?

21 Fevral, 2017
2004
Prezident İlham Əliyevin sərəncamı ilə ölkənin birinci xanımı Mehriban Əliyeva Azərbaycan Respublikasının Birinci vitse-prezidenti təyin edilib. Sərəncam ölkə ictimaiyyəti tərəfindən birmənalı qarşılanmayıb və geniş müzakirələrə səbəb olub. 
 
Maraqlıdır, bu təyinat ölkədəki siyasi proseslərə necə təsir edəcək?
 
Toplum TV suala siyasətçilərdən cavab almağa çalışdı. 

"Sərəncam Azərbaycanın maraqlarına ziddir" 
 


Milli Strateji Düşüncə Mərkəzinin sədri İsa Qəmbər deyir ki, bu təyinat gözlənilən idi: "Ötən il hakimiyyət heç bir ehtiyac olmadan mənasız referendum təklif edərkən əksər ekspertlər kimi biz də fikrimizi bildirmişdik ki, məqsəd ailə hakimiyyətini formalaşdırmaq və rəsmiləşdirməkdir. Təəssüf ki, bu proqnozlar doğruldu və İlham Əliyev bugünkü qərarı ilə Azərbaycanı 21-ci əsrə yaraşmayan şəkildə yenidən dünyaya təqdim etdi. Bu sərəncamla o, Azərbaycanı sülalə hakimiyyəti ilə idarə olunacaq orta əsrlər dövlətinə çevirmək istiqamətində ciddi bir addm atdı. Bu, çox yanlış bir addımdır və istənilən mənada Azərbaycan maraqlarına ziddir. Hesab edirəm ki, bu yalnış addım öz mənfi təsirini göstərəcək”. 
 
"Azərbaycan hakimiyyəti verdiyi qərarları icra etməkdə tərəddüd edir"
 

 
REAL Hərakatının İdarə Heyətinin üzvü Azər Qasımlı hesab edir ki, Azərbaycan hakimyyətinin qərarları icra etməkdə ciddi tərəddüdləri var: "Bu vəzifəyə kimin təyin olunmasından asılı olmayaraq, İlham Əliyevin kimisə vitse-prezident, yaxud da birinci vitse-prezident təyin edəcəkdisə, bunu niyə daha öncədən, referendumdan həmən sonra etmirdi?! Ümumiyyətlə, belə bir pauzanı götürmək nəyə, kimə lazım idi? Ötən ilin noyabr ayında referendumun nəticələri elan olundu, üzərindən 3 ay keçəndən sonra kimisə birinci vitse-prezident təyin edirlər. Bu, ilk növbədə, onu göstərir ki, Azərbaycan hakimiyyəti verdiyi qərarları icra etməkdə tərəddüd edir və hakimiyyətin qərarvermə mexanizmində ciddi problemlər var. Mehriban Əliyevanın birinci vitse-prezident seçilməsi bir daha onu göstərir ki, Azərbaycanda sülalə hakimiyyəti formalaşıb və bu proses daha da dərinləşir. Hakimiyyətin çevrəsi daha da daralır. Bir ailədən iki şəxs ölkədə ali vəzifələrdən ikisini tutacaq. Bu, o deməkdir ki, Azərbaycanda respublika adına heç nə qalmadı, əvəzində açıq şəkildə sülalə hakimyyəti quruldu. Bundan sonra proseslər daha rahat inkişaf edəcək, çünki hakimiyyət bütün kartlarını, yəni istək və arzularını ortaya qoymuş oldu. Buraya ağır iqtisadi durumu və sosial problemlərin dərinləşməsini əlavə etsək, deyə bilərəm ki, proseslər çox sürətlə inkişaf edəcək və siyasi həyat daha maraqlı olacaq. Baxmayaraq ki, bugünkü təyinatı həyata keçirən şəxs bunun əksini edib”. 
 
"Mehriban xanımın təyinatı cəmiyyətin sifarişi idi” 
 



Yeni Azərbaycan Partiyasının üzvü, deputatı Elman Nəsirov isə cəmiyyətin bu təyinatı gözlədiyini deyib: "Azərbaycanın həm daxilində, həm də hüdudlarından kənarda tanınmış şəxsiyyət olan Mehriban Əliyevanın belə yüksək dövlət vəzifəsinə təyin olunması cəmiyyətdə çox müsbət qarşılanır. Mehriban xanımın bütün fəaliyyəti insanlıq naminə idi. Belə bir insanın yüksək vəzifəyə təyin olunması Azərbaycan dövlətçiliyinin daha da güclənməsinə xidmət göstərəcək. Bütün hallarda onun fəaliyyəti dövlətçiliyə xidmət edib. Hesab edirəm ki, Mehriban xanımın ölkənin birinci vitse-prezidenti vəzifəsinə təyin edilməsi cəmiyyətin sifarişi idi. İctimaiyyət bunu gözləyirdi və bu gün də insanlarımız bu qərara sevinirlər”.

"Ölkənin birinci vitse-prezidenti vəzifəsinə uyğun namizəd təyin olunub"
 


"Mehriban Əliyevanın birinci vitse-prezident kimi siyasi kursun səmərəli fəaliyyətinə faydası olacağı indidən proqnozlaşdırıla bilər”, -bunu BQP sədri, deputat Fazil Mustafa deyir. Deputat hesab edir ki, ölkənin birinci vitse-prezidenti vəzifəsinə uyğun namizəd təyin olunub: "Mehriban Əliyevanın beynəlxalq arenada aktiv siyasi fəaliyyətdə olduğu hamıya məlumdur və ölkənin real siyasətində birinci vitse-prezident kimi siyasi kursun səmərəli fəaliyyətinə faydalı olacağı indidən proqnozlaşdırıla bilər. Ümid edirəm ki, Mehriban Əliyevanın yeni vəzifəsi ölkənin həm daxili, həm də xarici siyasətində stimul yaradacaq”. 

"Bu təyinat hakim partiyanın daxilində mərkəzdənqaçma etimadsızlığını gücləndirəcək”
 
 

AXCP sədri Əli Kərimli təyinatı ailə hakimiyyətinin rəsmiləşdirilməsi kimi qiymətləndirib:
"Bu təyinat Azərbaycanda de-fakto mövcud olan ailə hakimiyyətinin rəsmiləşdirilməsidir, bunun başqa bir izahı yoxdur. Bu, onu göstərir ki, hakimiyyət Azərbaycanda ailə hakimiyyəti qurmaqda tamamilə əmindir, heç kimə etimad göstərmir. Düşünürəm ki, bu təyinat həm də hakim partiyanın daxilində mərkəzdənqaçma etimadsızlığını gücləndirəcək”.  

"Bu, hakimiyyət içində ən uyğun təyinatdır” 
 


Ümid Partiyasının sədri İqbal Ağazadə təyinatı düzgün addım hesab edib: "Konstitusiyanın 109-cu maddəsilə bu səlahiyyət prezidentdədir. Prezidentin komandasının bütövlükdə fəaliyyətindən həmişə narazılığımızı ifadə etmişik. Amma bu səlahiyyət prezidentdədir və o , hansısa naziri, komitə sədrini yaxud da vitse-prezidenti təyin etdikdə bizim buna qarışmaq, qarşını almaq kimi tədbir imkanlarımız heç vaxt olmayıb. Hakimiyyət içərisindən kimin təyin olunması isə olduqca maraqlı konfiqurasiya yaradır. Hesab edirəm ki, dəyişiklik etmək imkanlarımız olmadığını nəzərə alsaq, bu təyinat digərlərindən daha uğurlu təyinatdır. Ən azından içəridə fərqli münasibətlər sisteminin yaranması, rüşvət və korrupsiya ilə bağlı məsələlərdə şikayətlərin dinlənilməsi, vətəndaşların cari problemlərin həll olunması və başqa məsələlərdə ənənələr bir qədər sərtdir. Bəziləri bunun əleyhinə gedə bilər, lakin ən azından vətəndaşların uzun müddət öz problemlərinin həllinə nail olması kimi məsələlər aktual olacaq. Hesab edirəm ki, ölkənin birinci vitse-prezidentini cəmiyyət təqdim edir və cəmiyyətin, o cümlədən siyasi institutların bu istiqamətdə təsir imkanları yoxdursa, bu təyinat hakim komanda içərisində ən doğru təyinatdır”. 
 
Ofelya Ramilqızı
Toplum.tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo