10:58, 21 Fevral 2019 (Cümə axşamı) 151

"Azərbaycan Avropaya qaz ixracına 2020-ci ildə başlayacaq" - Prezident

"Cənub qaz dəhlizi" layihəsinin həyata keçirilməsi Avropanın energetika xəritəsini dəyişdirəcək və Azərbaycan və Avropa İttifaqı arasında əməkdaşlığın inkişafında böyük əhəmiyyət kəsb edəcək.
 
Bu barədə prezident İlham Əliyev fevralın 20-də Bakıda "Cənub qaz dəhlizi" layihəsinin Məsləhət Şurasının iclasında çıxış edərkən bildirib.

Avropa Komissiyasının bu layihədə iştirakına toxunan Əliyev Böyük Britaniya və ABŞ-ın fəal rolunu da qeyd edib.

O bildiribki, CQD elementlərinin fəal tikintisi gedir, onların üçü artıq fəaliyyət göstərir, sonuncusu - TAP yekunlaşmaq üzrədir və 87% tikilib.

Bu, 2020-ci ildə artıq Avropaya qaz nəqlinə başlamağa imkan verəcək, deyə İ.Əliyev bildirib.

TAP-ın ümumi uzunluğu 878 km təşkil edir, Yunanıstan, Albaniya, Adriatik Dənizi və İtaliyadan keçir.

Layihə Azərbaycanın "Mərhələ-2" çərçivəsində Şah-Dəniz yatağından təbii qazın nəqli üçün nəzərdə tutulub. 

CQD layihəsinin ümumi dəyəri 40 mlrd. dollar təşkil edir.

AZƏRTAC