Siyasət

AXCP fəalına 30 sutka

5 İyul, 2018
883
İyulun 4-də Azərbaycan Xalq Cəbhəsi Partiyası (AXCP) fəalının saxlandığı, ardınca inzibati həbslə cəzalandırıldığı bildirilir.

Bu haqda AXCP məlumat yayıb.

Partiyadan deyiblər ki, AXCP-nin Nəsimi rayon təşkilatının fəallarından olan Yaşar Fərazi bu gün, iyulun 4-də yaşadığı Abşeron rayonunda saxlanıb. Onu Abşeron Rayon Polis İdarəsinin əməkdaşlarının evindən apardığı bildirilir.

İdarədən yaxınlarına onun saxlanılması barədə hər hansı məlumat verilməyib. Yalnız günün sonunda Yaşar Fəraziyə Abşeron Rayon Məhkəməsinin qərarı ilə 30 sutka inzibati həbs cəzası verildiyi haqda məlumat əldə ediblər.

Cəbhəçinin polisin qanuni tələbinə əməl etməməkdə günahlandırıldığı deyilir.

Ancaq Abşeron Rayon Məhkəməsindən və eləcə də polis idarəsindən AXCP üzvünün saxlanıb, inzibati həbs cəzası alması barədə deyilənlərə, hələlik, münasibət öyrənmək mümkün olmayıb.

Son vaxtlar AXCP-nin bir neçə fəalına "polisin qanuni tələbinə tabe olmamaq” ittihamı ilə inzibati həbs cəzası verilib.

Hazırda AXCP-nin 10-dan çox üzvü müxtəlif ittihamlarla uzunmüddətli həbsdədir. Hüquq müdafiə təşkilatları onları təqsirsiz hesab edərək siyasi məhbus adlandırırlar.

Hakimiyyət rəsmiləri isə ölkədə siyasi məhbus olması fikrini qəbul etmirlər. Onlar deyirlər ki, siyasi məhbus sayılan şəxslər konkret törətdikləri əmələ görə məsuliyyətə cəlb ediliblər.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo