14:42, 12 Oktyabr 2017 (Cümə axşamı) 166

Avropa Məhkəməsi Azərbaycanı 90950 avro cərimələdi

Avropa Məhkəməsi Azərbaycanı 90950 avro cərimələdi
Oktyabrın 12-də Avropa Məhkəməsi 22 ərizəçinin Azərbaycana qarşı şikayəti üzrə qərarını elan edib. 

Toplum Tv xəbər verir ki, bu barədə vəkil Fariz Namazlı məlumat yayıb. 
 


"Bu şikayət ölkədaxili məhkəmə qərarlarının icra edilməməsi ilə bağlıdır. Hökumət bəzi işlər üzrə kompensasiyaların verilməsini əsas götürərək, onların siyahıdan çıxarılmasını xahiş edib. Lakin Avropa Məhkəməsi hesab edib ki, verilən kompensasiyalar adekvat deyil"- F. Namazlı bildirib.

Vəkil qeyd edib ki, məhkəmə Konvensiyanın 6.1 (ədalətli məhkəmə araşdırması hüququ) və Konvensiyaya 1 saylı Protokolun 1-ci maddəsinin (mülkiyyət hüququ) pozuntusuna dair qərar çıxarıb. Qərar əsasən ümumilikdə Azərbaycan hökuməti tərəfindən ərizəçilərə 90950 Avro ödənilməsini müəyyən edilib.

Ərizəçilərin adları: Arif İslamzadə, Almas Abdullayeva, Məzahir Bağırov, Namiq Haciyev, İsa Rüstəmov, Rəna Qasımova, Söhbət Qayıbov, Akif Xəlilov, Əziz Ağasbəyov, Elman Şahmuradov, Cümşüd İsmiyev, Nəcəfəli Babayev, Təbriz Həsənov, Şahlar Quliyev, Tahir Məcidov, Daşdəmir Əliyev, Leyla Məmmədova, Xaləddin Məmmadov, Kamil Nəcəfov, Məhəmməd Abbasov, Səlbi Baxşəliyeva, Ziyadxan Əhmədov.

Pərvanə Qurbanlı
Toplum.Tv