19:48, 10 Oktyabr 2017 (Çərşənbə axşamı) 47

AŞPA-a yeni prezident seçilib

AŞPA-a yeni prezident seçilib
Avropa Şurası Parlament Assambleyasının (AŞPA) yeni prezidenti məlum olub.
 
APA xəbər verir ki, AŞPA-nın bu gün başlayan payız sessiyasında yeni prezidenti üçüncü turdan sonra seçilib.
 
Səsvermədə 216 deputat iştirak edib.
 
Avropa Xalq Partiyası qrupundan (EPP) Stella Kyriakides (Kipr) 132 səslə qurumun yeni prezidenti seçilib. Digər namizəd Emanuelis Zingeris (Litva) 84 səs ala bilib.
 
Yeni prezident 2018-ci ilin yanvar ayına qədər bu vəzifəni icra edəcək. AŞPA-nın yanvarda keçiriləcək qış sessiyasında qurumun yeni prezidenti seçiləcək.
 
Xatırladaq ki, AŞPA prezidenti Pedro Aqramunt oktyabrın 6-da istefa verib. Onun səlahiyyət müddəti 2018-ci ilin yanvarında başa çatırdı.