Siyasət

Arzu Abdulla: “Təzyiqlər jurnalist fəaliyyətimlə bağlıdır” - AUDİOMÜSAHİBƏ

4 Oktyabr, 2017
3890
"Vetenugrunda.az” saytının əməkdaşı Arzu Abdulla son günlər təzyiqlərlə üzləşdiyini deyir. Onun sözlərinə görə, oktyabrın 4-də mülki geyimli şəxslər tərəfindən təqib olunub. Ötən ay isə polis təzyiqinə məruz qaldığına dair məlumat yaymışdı.

Toplum Tv baş verənlərlə bağlı jurnalistə bir neçə sual ünvanlayıb.
 
- Arzu xanım, nə vaxtdan bəri təqib olduğunuzu düşünürsünüz?

- Doğrusunu deyim ki, bu günə qədər bilmirdim. Bu gün işə çatmağıma az qalmış gördüm ki, 4-5 nəfər dayanıb. Hiss etdim ki, onlar mənə baxırlar. Sonra bir nəfər maşından düşüb qaçaraq həmin şəxslərə yaxınlaşdı. Dayananlardan biri soruşdu: "Bu, Arzu deyil?” Yanlarından keçib gedəndən sonra dönüb arxaya baxanda gördüm ki, həmin şəxslər ardımca gəlirlər. Yerimdə dayandım, onlar da maşına mindilər, yenidən onlara baxanda getdilər. Sonra fikirləşdim ki, gərək mən bir az cəld tərpənib maşının şəklini çəkib, nömrəsini götürərdim. 20 ildir paytaxta yaşamağıma baxmayaraq, rayonda qeydiyyatdayam. Saatlı rayon Abbaskənd kəndinin icra nümayəndəsi Mirəli Nuriyev nömrəmlə gizli şəkildə maraqlandı. Yenidən zəng edib soruşdu ki, bu nömrə kimin adınadır? Soruşdum ki, sizə nömrənin sahibi lazımdır, yoxsa nömrə lazımdır. Cavab olaraq bildirdi ki, nömrənin sahibi lazımdır. Sonra məlum oldu ki, Saatlı Rayon Polis bölməsindən mayor sifariş verib ki, bu nömrənin sahibi araşdırılsın. İnsan doğulduğu ölkədə belə şeylərlə üzləşəndə özünə gələ bilmir. Mən səhərdən mat qalmışam. Mənə çəkilişlərdə dəfələrlə təzyiqlər olunub, amma indi hər şey pisə doğru gedir.

- Hüquq-mühafizə orqanlarına şikayət etmisinizmi?

- Bu gün vəkilimlə danışmışam, ondan xəbər gözləyirəm. Bu barədə ancaq "Facebook” səhifəmdə məlumat yaymışam.
 
- Hesab edirsiniz ki, bu, sizin jurnalist fəaliyyənizlə bağlıdır ?

- Bu, mənim jurnalist fəaliyyətimlə bağlı olmaqla yanaşı, eyni zamanda 7 oktyabr mitinqi ilə bağlıdır. Çünki mən bundan əvvəlki aksiyalarda aktiv olmuşam, yəni aksiyaları həm canlı, həm də xəbər şəklində insanlara çatdırmışam. Neçə gündür mitinqdə aktiv olanları həbs edirlər. Məndən əvvəl də Nicat Nizamov, Əhsən Nuruzadə və Elçin Həsənbəyli və başqalarını həbs etdilər. Mənə elə gəlir ki, təqibim məhz mitinqlə bağlıdır.
 
- Bu addımlar sizin fəaliyyətinizə nə kimi təsir edə bilər?

- Mən həm jurnalistəm, həm də inanclı şəxslərin hüquqlarını müdafiə edirəm. Bu, elə bir yoldur ki, insan hər şeyi gözə alır. Düşünürəm ki, insanların haqqını müdafiə etdiyimə görə başımı sığallamayacaqlar. Bilirəm ki, bu yolda həbs də, ölüm də var. Məni heç bir şey qorxutmaz. Çünki fikirləşirəm ki, mən düz yoldayam.
 
Ofelya Ramilqızı
Toplum.Tv
 
 
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo