18:19, 12 Oktyabr 2017 (Cümə axşamı) 50

ABŞ UNESСO-dan çıxdığını bildirib

ABŞ UNESСO-dan çıxdığını bildirib


/ DÜNYA
ABŞ UNESСO-dan çıxdığını elan edib.
 
APA-nın xəbərinə görə, ABŞ Dövlət Departamenti bu barədə qərarı qurumun baş direktoru İrina Bokovaya bildirib.
 
Dövlət Departamentinin məlumatda bildirilir ki, ABŞ 31 dekabr 2018-ci ilə qədər UNESСO-da işinə davam edəcək, ondan sonrakı dövrdə isə sadəcə müşahidəçi missiyasını yerinə yetirəcək.
 
Qeyd edək ki, Fələstin 2011-ci ildə UNESCO-ya tamhüquqlu üzv qəbul olunub. ABŞ buna etiraz olaraq UNESCO-nun maliyyələşdirilməsini dayandırıb.
 
2016-cı ilin payızında isə UNESCO İcraiyyə Komitəsi Fələstin və Misirin təklif etdiyi, yəhudi xalqının Yerusəlimdəki məşhur "Əl-Aksa" məscidinə aiddiyyəti olmadığına dair qətnaməni qəbul edib.
 
ABŞ-ın UNESCO-dakı nümayəndəsi isə bu qətnaməyə qarşı çıxıb.
 
ABŞ-ın "Foreigh Policy" nəşri bir neçə gün əvvəl ABŞ-ın antiisrail qətnamələrinə etiraz olaraq UNESCO-dan çıxacağını elan edəcəyini yazmışdı.